Jýrnalist Rýslan Ótepbai jylqyshy Rahat Sársenovtiń burynǵy jumys berýshisi Tájiǵali Eleýovpen kezdesip, oǵan qatysty kópshilikti tolǵandyrǵan máseleler jóninde ashyq suhbat jazǵanyn málimdedi, dep habarlaidy ult.kz.
Jýrnalistiń aitýynsha, suhbat barysynda Rahat Sársenovtiń eńbek joly, ózara qarym-qatynasy jáne qoǵamda qyzý talqylanyp jatqan oqiǵalar sóz bolǵan.
Áńgime sońynda Rýslan Ótepbai Tájiǵali Eleýovke qoǵamnyń qoldaýymen Rahat Sársenovtiń otbasy baspanaly bolǵanyn jetkizgen. Alaida bul aqparatqa qatysty kásipker kútpegen málimdeme jasap, jańa úidiń óz qarjysyna alynǵanyn aitty.
«Rahat Sársenovtiń otbasy baspanaly boldy» degenimde, ol: «Ol meniń aqshama alynǵan úi», – dep jaýap berdi», – deidi jýrnalist.
Bul málimdeme áleýmettik jeli qoldanýshylarynyń qyzyǵýshylyǵyn týdyryp, qyzý talqylana bastady. Kópshilik kásipkerdiń bul sóziniń mán-jaiyn tolyq bilgisi keletinin aityp, suhbattyń jariialanýyn kútýde.
