Jýrnalist Rýslan Ótepbai jylqyshy Rahat Sársenovtiń burynǵy jumys berýshisi Tájiǵali Eleýovpen arnaiy kezdesip, qoǵamda qyzý talqylanyp júrgen máselelerge qatysty kólemdi suhbat jazǵanyn málimdedi, dep habarlaidy ult.kz.
Jýrnalistiń aitýynsha, suhbat barysynda Rahat Sársenovtiń uzaq jyldar boiǵy eńbek joly, jumys berýshimen aradaǵy qarym-qatynasy, sondai-aq sońǵy ýaqytta qoǵam nazaryn aýdarǵan oqiǵalar jan-jaqty sóz bolǵan.
Rýslan Ótepbaidyń aitýynsha, áńgime sońynda ol Tájiǵali Eleýovke el azamattarynyń qoldaýynyń arqasynda Rahat Sársenovtiń otbasy baspanaly bolǵanyn jetkizgen. Alaida kásipker bul sózge kútpegen jaýap qaitaryp, jurtshylyqtyń nazaryn aýdarǵan málimdeme jasaǵan.
«Rahat Sársenovtiń otbasy baspanaly boldy» degenimde, ol: «Ol meniń aqshama alynǵan úi», – dep jaýap berdi», – deidi Rýslan Ótepbai.
Bul málimdemeden keiin áleýmettik jelilerde qyzý pikirtalas bastaldy. Jeli qoldanýshylary kásipkerdiń bul sóziniń astarynda ne jatqanyn talqylap, oqiǵanyń tolyq mán-jaiyn bilgisi keletinin jazýda.
