Foto: IIM
Shymkent qalasynda politsiia qyzmetkerleri aldyn ala josparlanǵan shema boiynsha áreket etken páter urylaryn quryqtady. Bul týraly Ishki ister ministrliginiń baspasóz qyzmeti habarlady.
Tergeý derekterine sáikes, kúdiktiler – Almaty oblysynan kelgen úsh azamat. Olar qala aýmaǵynda birneshe márte urlyq jasap úlgergeni anyqtalǵan.
Qylmystyq áreketter barysynda top músheleri ieleri joq úilerdi ańdyp, kóbine túngi ýaqytta ishke zańsyz kirip otyrǵan. Urlanǵan zattardyń qatarynda qolma-qol aqsha men altyn buiymdar bar.
Erekshe nazar aýdaratyn jait – kúdiktiler ózara bailanys ornatý úshin ratsiia qoldanǵan. Bul arqyly olar bir-birimen úzdiksiz habarlasyp, rólderdi aldyn ala bólisip, jaǵdaidy baqylap otyrǵan.
Jedel-izdestirý sharalary nátijesinde barlyq kúdiktiler ustalyp, ýaqytsha ustaý izoliatoryna qamaýǵa alyndy. Qazirgi ýaqytta atalǵan derek boiynsha sotqa deiingi tergeý amaldary júrgizilýde.
Politsiia azamattarǵa turǵyn úilerdiń qaýipsizdigin kúsheitip, saqtyq sharalaryn qatań saqtaýǵa keńes beredi.
Aita keteiik, buǵan deiin Almatyda da tótenshe jaǵdaidy paidalanyp urlyq jasaǵan adamdar toby ustalǵan bolatyn.
