فوتو: ٸٸم
شىمكەنت قالاسىندا پوليتسييا قىزمەتكەرلەرٸ الدىن الا جوسپارلانعان سحەما بويىنشا ەرەكەت ەتكەن پەتەر ۇرىلارىن قۇرىقتادى. بۇل تۋرالى ٸشكٸ ٸستەر مينيسترلٸگٸنٸڭ باسپاسٶز قىزمەتٸ حابارلادى.
تەرگەۋ دەرەكتەرٸنە سەيكەس, كٷدٸكتٸلەر – الماتى وبلىسىنان كەلگەن ٷش ازامات. ولار قالا اۋماعىندا بٸرنەشە مەرتە ۇرلىق جاساپ ٷلگەرگەنٸ انىقتالعان.
قىلمىستىق ەرەكەتتەر بارىسىندا توپ مٷشەلەرٸ يەلەرٸ جوق ٷيلەردٸ اڭدىپ, كٶبٸنە تٷنگٸ ۋاقىتتا ٸشكە زاڭسىز كٸرٸپ وتىرعان. ۇرلانعان زاتتاردىڭ قاتارىندا قولما-قول اقشا مەن التىن بۇيىمدار بار.
ەرەكشە نازار اۋداراتىن جايت – كٷدٸكتٸلەر ٶزارا بايلانىس ورناتۋ ٷشٸن راتسييا قولدانعان. بۇل ارقىلى ولار بٸر-بٸرٸمەن ٷزدٸكسٸز حابارلاسىپ, رٶلدەردٸ الدىن الا بٶلٸسٸپ, جاعدايدى باقىلاپ وتىرعان.
جەدەل-ٸزدەستٸرۋ شارالارى نەتيجەسٸندە بارلىق كٷدٸكتٸلەر ۇستالىپ, ۋاقىتشا ۇستاۋ يزولياتورىنا قاماۋعا الىندى. قازٸرگٸ ۋاقىتتا اتالعان دەرەك بويىنشا سوتقا دەيٸنگٸ تەرگەۋ امالدارى جٷرگٸزٸلۋدە.
پوليتسييا ازاماتتارعا تۇرعىن ٷيلەردٸڭ قاۋٸپسٸزدٸگٸن كٷشەيتٸپ, ساقتىق شارالارىن قاتاڭ ساقتاۋعا كەڭەس بەرەدٸ.
ايتا كەتەيٸك, بۇعان دەيٸن الماتىدا دا تٶتەنشە جاعدايدى پايدالانىپ ۇرلىق جاساعان ادامدار توبى ۇستالعان بولاتىن.
