“Runtalya” (“Rantalia”) halyqaralyq marafony 5 naýryzda Túrkiianyń týristik astanasy – Antaliada uiymdastyryldy. Jarysqa álemniń túkpir-túkpirinen myńdaǵan kásibi sportshylar men áýesqoilar qatysty. Maýsymnyń ashylý jarysy retinde “Runtalya” 47-den astam eldiń sportshylaryn qabyldady. Erler arasyndaǵy marafonda Úzeir Soilemez 2 saǵat 23 minýt 35 sekýndta jeńiske jetse, áielder arasynda Natalia Giýrten kósh bastady.
Biylǵy jyly “Rantaliada” tórt kezeń (2 shaqyrym, 10 shaqyrym, 21 shaqyrym jáne 42 shaqyrym) bir ýaqytta uiymdastyrylyp, barlyq jarystar Antalianyń ortalyǵynda bastaldy. Qalanyń eń kórikti jáne kórnekti týristik oryndaryn 42 shaqyrym boiy jaǵalai júgirgen marafonshylar Kaleichi, Adrian qaqpasy, Dýden sarqyramasy jáne áigili Lara jaǵajailary siiaqty sulý mekenderdi kórdi. Jarysqa kásipqoi sportshylarmen qatar áýesqoi júgirýshiler de qatysyp, olardy máremsyzyǵynda ondaǵan myń jergilikti turǵyn men sheteldik qonaq qarsy aldy. “Rantalia” balalar men júgirýdi endi bastaǵandarǵa da múmkindik berdi. Mysaly, «Balalar jarysy», «Biik ókshemen júgirý» jáne «1-qadam – 1 ómirlik jarys» – sonyń aiǵaǵy.
“Rantalia” jarysy – Antaliada 2006 jyldan beri ótkizilip keledi. Bul marafon tájiribesiz marafonshylar men kásibi jelaiaqtardy biriktirýge baǵyttalǵan shara. Salaýatty ómir saltyn ustaný, sportty súiýge úndeitin dodaǵa qyzyǵatyndar sany jyl saiyn artyp keledi.
