Sheshenstanda arnaiy operatsiia júrgizilip, nátijesinde tórt qaskóidiń kózi joiylyp, qylmystyq toptaǵy ondaǵan adam ustaldy. Alaida operatsiia barysynda bir qaskói oqiǵa ornynan jasyrynǵan jáne quqyq qorǵaý organdarynyń qyzmetkeri qaza tapty. Bul týraly Sheshenstan prezidenti Ramzan Qadyrov sársenbide Instagram jelisindegi paraqshasynda jazdy.
"Qurmetti dostar! Búgin Sheshenstandaǵy Kýrchaloevskii aýdanynda terroristik uiymdaǵy asa qaýipti qaskóilerdiń kózi joiyldy. Biraz ýaqyt buryn bizge lańkesterge basshylyq etken Isa Mýskievtiń (2006 jyly kózi joiylǵan) týysynyń sheteldikterden lańkester tobyn qurý týraly tapsyrma alǵany týraly málimet kelip tústi. Sodan keiin aldyn ala daiyndalǵan jáne jedel operatsiialar júrgizý nátijesinde qylmystyq topty: olardyń basshylaryn anyqtaýǵa, astyrtyn júrgen lańkesterdiń aty-jónin, qarýlardyń, jarylǵysh zattardyń jáne minalardyń qaida saqtalǵanyn anyqtaýǵa múmkindik týdy. Osylaisha, bir mezette birneshe eldi mekede ondaǵan qaskói men olardyń sybailastary ustaldy. Quqyq qorǵaý organdaǵylar sársenbide keshki ýaqytta júrgizgen arnaiy operatsiia barysynda qaskóilerge qarýlanǵan qarsylyq kórsetip, tórt qaskóidiń kózi joidy. Alaida bir qaskói túngi ýaqyt bolǵandyqtan, sol sátti paidalana otyryp oqiǵa ornynan jasyryna aldy. Arnaiy operatsiia músheleri tańǵy ýaqytta qaskóidi izdestirý jumystaryn jalǵastyrady. Onyń ustalatynyna senimdimin. Ókinishke qarai, arnaiy operatsiia barysynda bizdiń quqyq qorǵaý organdarynyń qyzmetkeri erlik kórsetip, qaza tapty. Jergilikti turǵyndardyń eshqaisysy zardap shekken joq, eshteńe qiraǵan joq. Turǵyndar arnaiy operatsiia júrgizilip jatqandarǵa belsendi túrde qoldaý kórsetip jatyr. Aýdandaǵy jaǵdaiy birqalypty", - dedi Sheshenstan prezidenti paraqshasynda.
