Erteń Uly Otan soǵysynyń aiaqtalǵanyna 74 jyl tolady. 4 jylǵa sozylǵan surapyl soǵysta 27 million keńes áskeri qaza boldy. Maidanǵa Qazaqstannan 1,8 million adam attanǵan bolatyn. Olardyń jartysy elge oralǵan joq.
Surapyl soǵysta qazaqtandyqtar jankeshtilikpen soǵysty. Otan úshin ot keshken azamattardyń biri – Halyq Qaharmany Raqymjan Qoshqarbaev. Ol – fashist áskerleriniń tegeýrindi shabýylyna qaramastan, Jeńis týyn birinshi bolyp Reihstagqa tikken jaýynger.
"1945 jyldyń 30 sáýirinde keńes áskerleriniń Reihstagqa sheshýshi shaiqasy bastaldy. Oǵan 270 metr jer qalǵan kezde keńes áskeri alǵa jylji almai toqtap qaldy. Sebebi, sol ýaqytta urystar áli jalǵasyp jatqan edi. 150-atqyshtar diviziiasynyń leitenanty Raqymjan Qoshqarbaev pen qatardaǵy sarbaz Grigorii Býlatov jankeshtilikpen soǵysady. Osylaisha, olar Reihstagqa birinshi baryp, Jeńis týyn tikti. Raqymjan Qoshqarbaevtyń tikken Qyzyl týyn kórgen Keńes áskeri rýhtanyp, Reihstagqa bas kóshtep kirip ketken bolatyn", - deidi ulttyq áskeri-tarihi mýzeidiń ekskýrsiia júrgizýshisi Dáýlet Qadyrov.
Al 2015 jyly bul týdyń kóshirmesi Qazaqstanǵa jetkizildi.
