ەرتەڭ ۇلى وتان سوعىسىنىڭ اياقتالعانىنا 74 جىل تولادى. 4 جىلعا سوزىلعان سۇراپىل سوعىستا 27 ميلليون كەڭەس ەسكەرٸ قازا بولدى. مايدانعا قازاقستاننان 1,8 ميلليون ادام اتتانعان بولاتىن. ولاردىڭ جارتىسى ەلگە ورالعان جوق.
سۇراپىل سوعىستا قازاقتاندىقتار جانكەشتٸلٸكپەن سوعىستى. وتان ٷشٸن وت كەشكەن ازاماتتاردىڭ بٸرٸ – حالىق قاھارمانى راقىمجان قوشقارباەۆ. ول – فاشيست ەسكەرلەرٸنٸڭ تەگەۋرٸندٸ شابۋىلىنا قاراماستان, جەڭٸس تۋىن بٸرٸنشٸ بولىپ رەيحستاگقا تٸككەن جاۋىنگەر.
"1945 جىلدىڭ 30 سەۋٸرٸندە كەڭەس ەسكەرلەرٸنٸڭ رەيحستاگقا شەشۋشٸ شايقاسى باستالدى. وعان 270 مەتر جەر قالعان كەزدە كەڭەس ەسكەرٸ العا جىلجي الماي توقتاپ قالدى. سەبەبٸ, سول ۋاقىتتا ۇرىستار ەلٸ جالعاسىپ جاتقان ەدٸ. 150-اتقىشتار ديۆيزيياسىنىڭ لەيتەنانتى راقىمجان قوشقارباەۆ پەن قاتارداعى سارباز گريگوريي بۋلاتوۆ جانكەشتٸلٸكپەن سوعىسادى. وسىلايشا, ولار رەيحستاگقا بٸرٸنشٸ بارىپ, جەڭٸس تۋىن تٸكتٸ. راقىمجان قوشقارباەۆتىڭ تٸككەن قىزىل تۋىن كٶرگەن كەڭەس ەسكەرٸ رۋحتانىپ, رەيحستاگقا باس كٶشتەپ كٸرٸپ كەتكەن بولاتىن", - دەيدٸ ۇلتتىق ەسكەري-تاريحي مۋزەيدٸڭ ەكسكۋرسييا جٷرگٸزۋشٸسٸ دەۋلەت قادىروۆ.
ال 2015 جىلى بۇل تۋدىڭ كٶشٸرمەسٸ قازاقستانعا جەتكٸزٸلدٸ.
