- Raqymshylyqqa 30 myńǵa jýyq adam iligýi múmkin.
Búgin Parlament Májilisinde «Qazaqstan Respýblikasy Táýelsizdiginiń 25 jyldyǵyna bailanysty raqymshylyq jasaý týral» zań jobasy boiynsha jumys toby otyrysynyń aldynda tilshilerge suhbat bergen QR Bas prokýrorynyń birinshi orynbasary Iogan Merkel osylai málim etti, dep habarlaidy Ult.kz tilshisi QazAqparat agenttigine silteme jasap.
«Qazir barlyǵyn resmi túrde eseptep shyǵý múmkin emes. Sebebi, onda birneshe sanat bar. Máselen, óndiriske alynǵan teris qylyqtardyń (avt. - qylmystyq teris qylyqtar) barlyǵy toqtatylady. Sottyń qaraýyndaǵylar da toqtaidy. Osy oraida qazir bul zańnama kúshine engen kezde osyndai ister naqty qansha bolatynyn aita almaimyz... Shamamen biz 30 myń jýyq adamdy esepke alyp otyrmyz», - dedi Merkel.
Bul rette 30 myńnyń ishinde tek abaqtyda otyrǵandar ǵana emes, sonymen qatar aiyppul sharasyna, shartty jazaǵa kesilgender, qoǵamdyq jumystarǵa jáne basqa da aýyr emes jazaǵa tartylǵandar qamtylady.
Belgili bolǵandai, lańkestik jáne basqa aýyr qylmys jasaǵandar qamtylmaityn bolady. Negizi raqymshylyq jasaý asa aýyr emes qylmystarǵa, jasóspirimderge, júkti áielderge jáne qoǵamdyq qaýiptiligi joq qylmystarǵa kózdelgen.
Eske sala keteiik, Memleket basshysy Nursultan Nazarbaev Konstitýtsiianyń 61-babynyń 1-tarmaǵyna sáikes óz bastamasymen Parlament Májilisiniń qaraýyna «Qazaqstan Respýblikasy Táýelsizdiginiń 25 jyldyǵyna bailanysty raqymshylyq jasaý týraly» zań jobasyn engizdi. Bul raqymshylyq sharasy zań buzǵan azamattarǵa qatysty izgilik aktisi, memleket tarapynan meiirimdilik pen senim bildirýdiń kórinisi bolyp sanalady.
.jpeg)