Parlament Májilisiniń depýtaty Gennadii Shipovskih jaqynda Parlament qabyldaǵan «Raqymshylyq jasaý týraly» Zańǵa qatysty pikir bildirdi, dep habarlaidy BAQ.KZ portaly.
"Bul zań - jańa, ádiletti Qazaqstannyń kórinisi ekeni sózsiz. Sondai-aq qoǵam arasynda turaqtylyqqa bailanysty túrli máseleler oryn alǵan edi. Atalmysh zań qańtar oqiǵasynda alańǵa shyǵyp, arańdatýshylardyń qurbany bolyp, memlekettik mekemelerdi qiratýǵa qatysqan azamattarǵa qatysty. Biraq bul bilikke qarsy shyǵyp, zańsyz is-áreketterdi uiymdastyrýshylar úshin negizsiz", - dedi ol.
Sondai-aq depýtat bul zań olardyń qylmystyq jaýapkershilikten qutylýyna jol bermeitinin aitty.
"Raqymshylyq sot úkimine bailanysty jazasyn azaitady, biraq qylmystyq jaýapkershilikten alyp tastamaidy. Jazalanýshy oqiǵa barysynda memleketke keltirilgen zalaldardyń shyǵyndaryn tolyq óteidi", - deidi depýtat.
Esterińizge sala keteiik, osyǵan deiin Senat otyrysynda «Raqymshylyq jasaý týraly» zań qabyldanǵanyn jazǵan bolatynbyz.
Bul zań negizinde aýyr jáne asa aýyr qylmys jasaǵandarǵa: aýyr qylmystar úshin sot taǵaiyndaǵan merzim tórtten úshke, al asa aýyr qylmystar úshin jartysyna qysqarady. Degenmen azaptaýlar jasaǵan adamdar, terrorister, ekstremister, retsidivister jáne tártipsizdikterdi uiymdastyrýshylarǵa raqymshylyq kórsetilmeidi.
