Tájikstan prezidenti bul elde azamattyq soǵysty "Islamnyń órkendeýi" partiiasynyń demeýimen moldalar bastaǵan dep málimdedi. Bul jóninde Emomali Rahmon 1 qyrkúiekte Dangara memlekettik ýniversitetiniń jańa ǵimaratynda bolǵan «Álem sabaǵy» dárisinde aitty", - dep habarlaidy "Ult aqparat" centralasian.org agenttigine silteme jasap.
Rahmonnyń aitýynsha, saiasi daǵdarystar, jańa dáýirde álemdik derjavalardyń qarama-qaishylyǵy, dini soǵystyń kúsheiýi, islam elderindegi janjaldar, álemniń ár aimaqtarynda bolyp jatqan terroristik aktiler jer betindegi jaǵdaidy qiyndatyp jiberdi.
Tájikstan prezidentiniń eskertýinshe, terrorizm men dini ekstremizmniń órshýinen myńdaǵan adam qaza tapty. Álemniń kóptegen elderinde tártip ornamai tur.
Emomali Rahmon «biz áli táýelsizdik tańynda bolǵan azamattyq soǵystyń saldaryn umytpadyq, ondaǵan myń beikúná adam qurban boldy. Ásirese Hatlon oblysynyń turǵyndary qaza tapty. Aimaqtyń turǵyndary áli kúnge deiin soǵys zardabyn tartyp otyr», - dedi.
Tájikstan prezidenti elde kezinde azamattyq soǵysty búginde tyiym salynǵan Islamnyń órkendeýi partiiasyn qýattaǵan moldalar bastaǵanyn atap ótti.
