Úige ýchastkovyilar kelipti, joldasym habarlasyp, tirkeýdi tekserip jatqandaryn aitty. Biraq, telefonmen olarǵa Qasymovtyń "ýchastkovyilarǵa esikti ashpai-aq qoiyńyzdar, tekserýdiń basqa tásilin tabamyz" degen sózin aityp, úiden shyǵýlaryn suradym. Aýzyna kelgenderin aityp, úiden áreń shyqty. Jeńdik deýge bolatyn edi, biraq jeńilgendei, keleshekte balalarymyz básekede utylatyndai qulazyp qaldym. Oǵan sebep - politsiianyń kásibi biliksizdigi.
Tutqany alǵan politsei áýelden-aq "Assalaýmaǵaleikúm, aǵa" dep amandasty. Islam memleketi emespiz. Jái ǵana, "resmi amandassańyzshy, sosyn men sizdiń aǵańyz emespin" degen em, "qazaqpyz ǵoi, qazaqsyz ba ózi?" dep qoiyp qaldy. Já, ary qarai tipti qyzyq. Qasymovtyń keshegi sózin aityp, úiden shyǵýlaryn suradym, álgi "qazaǵym" jarylmasy bar ma! "Jynymdy keltirip tursyz da siz, árkim búite berse, bizde ne bedel qalady, mende de namys bar, jigitsiz be, erkekshe sóileseiik onda, erkeksiz be?" dep saldy. Mássaǵan! Qazaqstan politsiiasynyń túri! "Erkekpin" dedim, kúlińkirep árine jynysym nege zor maǵynaǵa ie bolǵanyn túsine almai. "Erkekshe sóileseiik degenińiz artyq, politsiiamen sóilesýdiń jynystyq erekshelikteri bar ma edi, siz qyzmette júrgen adamsyz, al bedel kótergińiz kelse, kásibi biliktigińizdi kúrt arttyrýdy qolǵa alyńyz, erkekshe emes, azamattarmen politsiia qyzmetkerinshe sóilesýdi úirenińiz" dedim de, "úiden shyǵý" týraly talabymdy qaitaladym. Qasyndaǵy áiel "ýchastkovaia" meniń qyzmetimdi surap bilgennen keiin, "jýrnalister nege osy pasyq bolady?" degen sózin aiqailap aityp, túkirigin shashyp zorǵa shyqty. Bularǵa ne isteýge bolady, a? Balalarymyz da osyndai politseilermen ómir súre me, zinhar?
Rahat Mamyrbektiń feisbýktaǵy paraqshasynan
