Qytaida turatyn etnikalyq qazaq, belgili dáriger Oqas Súleimen Qytai Kommýnistik partiiasynyń eń joǵary marapaty – «1 shilde» ordenimen marapattaldy, dep habarlaidy ult.kz.
Bul joǵary nagradany oǵan QHR Tóraǵasy Si Tszinpin saltanatty rásimde óz qolymen tabystady. Aita keterligi, partiianyń qurylǵanyna 105 jyl tolýyna orai berilgen bul mártebeli marapatqa memleket pen qoǵamnyń damýyna erekshe úles qosqan nebári segiz-aq adam laiyq dep tanylǵan.
Oqas Súleimen - osy ordendi ielengen qazaq ultynyń alǵashqy ókili. Ol jarty ǵasyrǵa jýyq ýaqyt boiy shalǵai aýyldarda halyqqa meditsinalyq kómek kórsetip, myńdaǵan adamnyń ómirin saqtap qalǵan abzal jan.
Dárigerdiń aitýynsha, ol 40 jyldan astam ýaqyt boiy saharada atpen júrip qyzmet atqarǵan jáne 3200-den astam sábidiń dúniege kelýine kómektesken.
«Adamǵa qyzmet etý kerek» degen qaǵidany ómirlik ustanymyma ainaldyrdym. Ózgelerge jylý syilaýdy maqsat ettim», – deidi aq halatty abzal jan Oqas Súleimen.
