قىتايدا تۇراتىن ەتنيكالىق قازاق, بەلگٸلٸ دەرٸگەر وقاس سٷلەيمەن قىتاي كوممۋنيستٸك پارتيياسىنىڭ ەڭ جوعارى ماراپاتى – «1 شٸلدە» وردەنٸمەن ماراپاتتالدى, دەپ حابارلايدى ult.kz.
بۇل جوعارى ناگرادانى وعان قحر تٶراعاسى سي تسزينپين سالتاناتتى رەسٸمدە ٶز قولىمەن تابىستادى. ايتا كەتەرلٸگٸ, پارتييانىڭ قۇرىلعانىنا 105 جىل تولۋىنا وراي بەرٸلگەن بۇل مەرتەبەلٸ ماراپاتقا مەملەكەت پەن قوعامنىڭ دامۋىنا ەرەكشە ٷلەس قوسقان نەبەرٸ سەگٸز-اق ادام لايىق دەپ تانىلعان.
وقاس سٷلەيمەن - وسى وردەندٸ يەلەنگەن قازاق ۇلتىنىڭ العاشقى ٶكٸلٸ. ول جارتى عاسىرعا جۋىق ۋاقىت بويى شالعاي اۋىلداردا حالىققا مەديتسينالىق كٶمەك كٶرسەتٸپ, مىڭداعان ادامنىڭ ٶمٸرٸن ساقتاپ قالعان ابزال جان.
دەرٸگەردٸڭ ايتۋىنشا, ول 40 جىلدان استام ۋاقىت بويى ساحارادا اتپەن جٷرٸپ قىزمەت اتقارعان جەنە 3200-دەن استام سەبيدٸڭ دٷنيەگە كەلۋٸنە كٶمەكتەسكەن.
«ادامعا قىزمەت ەتۋ كەرەك» دەگەن قاعيدانى ٶمٸرلٸك ۇستانىمىما اينالدىردىم. ٶزگەلەرگە جىلۋ سىيلاۋدى ماقسات ەتتٸم», – دەيدٸ اق حالاتتى ابزال جان وقاس سٷلەيمەن.
