Áleýmettik jelide Astanada bilim alyp júrgen qyrǵyzstandyq stýdent qyzdardyń qazaqtar men Kenesary hanǵa qatysty aitqan pikirleri taralyp, qoǵamda qyzý talqy men narazylyq týdyrdy, dep habarlaidy ult.kz.
Videoda stýdent qyzdar men olarmen áńgimelesip otyrǵan er adamnyń arasyndaǵy dialog kórsetilgen.
«Qazaqtar kúni keshe paida bolǵan. Al qyrǵyzdar óte erterekte. Qazaqtar bizdi baýyr sanaidy, sebebi til, dil, dástúrimiz uqsas. Meniń oiymsha, olar bizden taraǵan, damyǵan. Sondai-aq qazaqtar Kenesary hannyń basy úshin bizge renjýli. Biz – kóshpendilermiz jáne bizdiń saltymyzda jaýdyń basyn qaitarmaidy», – deidi stýdentter.
Bul jaǵdaiǵa bailanysty jeli qoldanýshylary QR Syrtqy ister ministrligi men tiisti vedomstvolardan quqyqtyq sharalar qabyldaýdy talap etti.
Jurtshylyq ultaralyq tatýlyqqa syzat túsiretin nemese tarihi tulǵalarǵa qatysty orynsyz pikirler aitýǵa jol berilmeýi tiis ekenin alǵa tartty.
