Qyzylorda turǵyny probatsiia qyzmetiniń talaptaryn birneshe ret buzyp, baqylaýdan jaltarý úshin aiaǵyna taǵylǵan elektrondy bilezikti ádeii syndyryp tastaǵan, dep habarlaidy ult.kz.
Oblystyq qylmystyq-atqarý júiesi departamentiniń málimetinshe, azamat úsh ai buryn qalalyq probatsiia qyzmetiniń esebine alynyp, oǵan elektrondy baqylaý quraly taǵylǵan. Sottalǵan azamatqa jazany óteý tártibi men sot júktegen mindetter túsindirilgen.
Probatsiia qyzmetkerleri onymen profilaktikalyq jumystar júrgizip, talaptardy saqtaýdy eskertken. Alaida ol belgilengen tártipti birneshe ret buzǵan.
Kezekti ret ishimdik iship, qydyrýdy josparlaǵan azamat elektrondy bilezikti ádeii syndyryp, ony úiine tastap ketken. Osylaisha ol probatsiialyq baqylaýdan tys qalýǵa áreket jasaǵan.
Elektrondy baqylaý quralyn qasaqana búldirý jazany óteý tártibin buzý bolyp sanalady. Qazir azamatqa qatysty materialdar jinaqtalyp, máseleni sotta qaraý úshin tiisti qujattar ázirlenip jatyr.
