قىزىلوردا تۇرعىنى پروباتسييا قىزمەتٸنٸڭ تالاپتارىن بٸرنەشە رەت بۇزىپ, باقىلاۋدان جالتارۋ ٷشٸن اياعىنا تاعىلعان ەلەكتروندى بٸلەزٸكتٸ ەدەيٸ سىندىرىپ تاستاعان, دەپ حابارلايدى ult.kz.
وبلىستىق قىلمىستىق-اتقارۋ جٷيەسٸ دەپارتامەنتٸنٸڭ مەلٸمەتٸنشە, ازامات ٷش اي بۇرىن قالالىق پروباتسييا قىزمەتٸنٸڭ ەسەبٸنە الىنىپ, وعان ەلەكتروندى باقىلاۋ قۇرالى تاعىلعان. سوتتالعان ازاماتقا جازانى ٶتەۋ تەرتٸبٸ مەن سوت جٷكتەگەن مٸندەتتەر تٷسٸندٸرٸلگەن.
پروباتسييا قىزمەتكەرلەرٸ ونىمەن پروفيلاكتيكالىق جۇمىستار جٷرگٸزٸپ, تالاپتاردى ساقتاۋدى ەسكەرتكەن. الايدا ول بەلگٸلەنگەن تەرتٸپتٸ بٸرنەشە رەت بۇزعان.
كەزەكتٸ رەت ٸشٸمدٸك ٸشٸپ, قىدىرۋدى جوسپارلاعان ازامات ەلەكتروندى بٸلەزٸكتٸ ەدەيٸ سىندىرىپ, ونى ٷيٸنە تاستاپ كەتكەن. وسىلايشا ول پروباتسييالىق باقىلاۋدان تىس قالۋعا ەرەكەت جاساعان.
ەلەكتروندى باقىلاۋ قۇرالىن قاساقانا بٷلدٸرۋ جازانى ٶتەۋ تەرتٸبٸن بۇزۋ بولىپ سانالادى. قازٸر ازاماتقا قاتىستى ماتەريالدار جيناقتالىپ, مەسەلەنٸ سوتتا قاراۋ ٷشٸن تيٸستٸ قۇجاتتار ەزٸرلەنٸپ جاتىر.
