Astanada politsiia qyzmetkerleri zańsyz jumys istegen et óńdeý tsehyn anyqtap, shyǵý tegi belgisiz 3 tonnadan astam qaýipti et ónimin tárkiledi, dep habarlaidy ult.kz.
Zańsyz óndiris orny elordada júrgizilgen jedel-profilaktikalyq is-sharalar barysynda jeke turǵyn úilerdiń birinen anyqtalǵan.
Tekserý kezinde tsehtyń eshqandai ruqsat qujattarynsyz jumys istegeni belgili boldy. Mamandardyń aitýynsha, bul ónimder kez kelgen ýaqytta saýdaǵa shyǵarylyp, tutynýshylarǵa satylýy múmkin bolǵan.
Tekserý barysynda shyǵý tegi men sapasy belgisiz 3 tonnadan astam et ónimi tabyldy. Sonymen qatar ónimderdiń sanitariialyq talaptar óreskel buzyla otyryp óndirilip, saqtalǵany anyqtaldy. Atap aitqanda, temperatýralyq rejim saqtalmaǵan, al et antisanitariialyq jaǵdaida saqtalǵan.
Mamandar ónimniń bir bóliginde buzylýdyń aiqyn belgilerin anyqtady. Etten ótkir jaǵymsyz iis shyqqan, shybyndar qaptap ketken jáne taǵam retinde paidalanýǵa jaramsyz ekenin kórsetetin ózge de belgiler bolǵan.
Júrgizilgen is-sharalardyń qorytyndysy boiynsha qaýipti ónimniń barlyǵy joiyldy. Al zańsyz tsehtyń ieleri qoldanystaǵy zańnama talaptaryna sáikes jaýapkershilikke tartyldy.
