Quryltai tóraǵasynyń orynbasary Daniia Espaeva depýtattardyń ai saiynǵy jalaqysy qansha ekenin aitty, dep habarlaidy ult.kz.
Búgin Quryltaidyń alǵashqy plenarlyq otyrysy ótti. Jiynnan keiin jýrnalister depýtattardan olardyń jalaqysyna qatysty suraq qoidy.
Daniia Espaevanyń aitýynsha, depýtattardyń jalaqysy eńbek ótiline qarai esepteledi.
«Qazir depýtattardyń jalaqysy 600 myń men 1 million teńgeniń ainalasynda. Depýtattyń eńbek ótili kóp bolsa, jalaqysy 1 millionǵa deiin barady», – dedi ol.
Aita keteiik, 2022 jyly Prezident Qasym-Jomart Toqaev úkimet músheleri, óńir ákimderi men depýtattardyń jalaqysyn kóterýge bes jyldyq moratorii jariialaǵan bolatyn. Sol kezde depýtattardyń qolyna 630–650 myń teńge alatyny aitylǵan. Al 2023 jyly Senat spikeriniń ai saiynǵy jalaqysy 1 million teńgeden asatyny habarlanǵan.
