قۇرىلتاي تٶراعاسىنىڭ ورىنباسارى دانييا ەسپاەۆا دەپۋتاتتاردىڭ اي سايىنعى جالاقىسى قانشا ەكەنٸن ايتتى, دەپ حابارلايدى ult.kz.
بٷگٸن قۇرىلتايدىڭ العاشقى پلەنارلىق وتىرىسى ٶتتٸ. جيىننان كەيٸن جۋرناليستەر دەپۋتاتتاردان ولاردىڭ جالاقىسىنا قاتىستى سۇراق قويدى.
دانييا ەسپاەۆانىڭ ايتۋىنشا, دەپۋتاتتاردىڭ جالاقىسى ەڭبەك ٶتٸلٸنە قاراي ەسەپتەلەدٸ.
«قازٸر دەپۋتاتتاردىڭ جالاقىسى 600 مىڭ مەن 1 ميلليون تەڭگەنٸڭ اينالاسىندا. دەپۋتاتتىڭ ەڭبەك ٶتٸلٸ كٶپ بولسا, جالاقىسى 1 ميلليونعا دەيٸن بارادى», – دەدٸ ول.
ايتا كەتەيٸك, 2022 جىلى پرەزيدەنت قاسىم-جومارت توقاەۆ ٷكٸمەت مٷشەلەرٸ, ٶڭٸر ەكٸمدەرٸ مەن دەپۋتاتتاردىڭ جالاقىسىن كٶتەرۋگە بەس جىلدىق موراتوريي جارييالاعان بولاتىن. سول كەزدە دەپۋتاتتاردىڭ قولىنا 630–650 مىڭ تەڭگە الاتىنى ايتىلعان. ال 2023 جىلى سەنات سپيكەرٸنٸڭ اي سايىنعى جالاقىسى 1 ميلليون تەڭگەدەن اساتىنى حابارلانعان.
