Almatyda ózin qoǵam belsendisi retinde tanystyryp, kásipkerlerden aqsha talap etti degen kúdikpen er adam ustaldy, dep habarlaidy ult.kz.
Almaty qalasy Politsiia departamentiniń málimetinshe, birneshe kásipker politsiiaǵa belgisiz er adamnyń aqsha talap etkeni týraly aryzdanǵan.
Aldyn ala málimet boiynsha, kúdikti ózin qoǵam belsendisi retinde tanystyryp, kásipkerlerden júieli túrde aqsha suraǵan. Ol memlekettik organdarǵa shaǵym túsirip, kásipkerlerdiń jumysyna kedergi keltirýi múmkin ekenin aityp qorqytqan.
Politsiia onyń áreketinen osyndai jaǵdaiǵa tap bolǵan birneshe adamdy anyqtaǵan.
Qazir atalǵan fakti boiynsha sotqa deiingi tergeý júrgizilip jatyr. Tergeý barysynda oqiǵanyń barlyq mán-jaiy anyqtalyp, dálelder jinaqtalýda.
Almaty qalasy Áýezov aýdandyq politsiia basqarmasynyń bastyǵy Daniiar Mendebaev osyndai jaǵdaiǵa tap bolǵan nemese kúdiktiniń áreketi týraly aqparaty bar azamattardy politsiiaǵa habarlasýǵa shaqyrdy.
