Foto: instagram.com/qnet_kazakhstan
Aqtóbe oblysynda «Qnet» qarjy piramidasynyń filialyn uiymdastyrýshy sottaldy, - dep habarlaidy "Ult aqparat" Qarjylyq monitoring agenttine silteme jasap.
Qarjy (investitsiialyq) piramidasyn asa iri mólsherde aqsha nemese ózge de múlikti tarta otyryp uiymdastyrý jáne qylmystyq jolmen alynǵan aqsha men ózge de múlikti zańdastyrý faktisi boiynsha isti QMA Aqtóbe oblysy boiynsha Departamenti tergep-teksergen.
"G.Jýmagazina 2019 jylǵy qańtar men 2022 jylǵy maýsym aralyǵynda Aqtóbe jáne Hromtaý qalalarynda qyzmeti birqatar shet elde qarjy piramidasy dep tanylǵan, zańdy jelilik marketing retinde jasyrylǵan «Qnet» halyqaralyq kompaniiasynyń qurylymdyq bólimshesiniń táýelsiz ókili retinde tirkelip, basqarǵany anyqtaldy.
Qarjylyq monitoring organdaryna 25 azamat shaǵymdanyp, olarǵa keltirilgen shyǵyn 37,5 mln teńgege jýyq somany qurap otyr.
G.Jýmagazina 5 jylǵa bas bostandyǵynan aiyryldy. Kámeletke tolmaǵan balacy bary eskerilip, jazany óteý 5 jylǵa keiinge shegerildi.
Barlyq salymshynyń salymdarynan tabylǵan 286 mln teńge kólemindegi múlik memleket paidasyna tárkilendi" - delingen habarlamada.
Sondai-aq vedomstvo ókilderi qarjy piramidasyn qurǵan adam qylmystyq jaýapkershilikke tartylatynyn jáne múlki tárkilenip, 10 jylǵa deiin bas bostandyǵynan aiyrýmen jazalanatynyn eskertti.
