Qazkom KASE qor birjasyna 2017 jyldyń 14 naýryzynda 200 milliard teńge qaryz alǵanynan habarlady, - dep jazady "Ult aqparat".
Banktiń qaryzdy qaidan alǵany birja saitynda naqtylanbaǵan. "Qazaqstan qor birjasynyń resmi tiziminde qundy qaǵazdary bar "Kazkommertsbank" 2017 jyldyń 14 naýryzynda 200 milliard teńge somasynda qaryzdy arnaiy maqsattaǵy qaryzdyń prolongatsiiasyna alǵanyn habarlady", - delingen habarlamada.
Bul qaryzdyń qarjy mekemesiniń óz kapitalymen salystyrǵandaǵy paiyzdyq aiyrmasy 32,7 paiyzǵa teń.
Esterińizge salaiyq, 2016 jyldyń qarashasynda Reiter Qazkomnyń Halyq bankpen birigý týraly kelissóz júrgizip jatqanyn habarlaǵan edi. Ol kezderi Qazkom ózderi eshqandai usynys jasamaǵanyn jáne Halyq bank tarapynan eshbir usynys túspegenin aitqan.
2016 jyldyń sońynda Ulttyq banktiń basqarmasy júielik mańyzy bar bolǵandyqtan Qazkomge 400.8 mlrd teńge kóleminde kómek berý týraly sheshim shyǵarǵan. Qarjy retteýshi «Qaryz banktiń klientteri aldyndaǵy mindettemelerin ótei alýy úshin qosymsha ótimdiligin arttyrý úshin berildi» — degen edi.
