Qazkom KASE قور بيرجاسىنا 2017 جىلدىڭ 14 ناۋرىزىندا 200 ميلليارد تەڭگە قارىز العانىنان حابارلادى, - دەپ جازادى "ۇلت اقپارات".
بانكتٸڭ قارىزدى قايدان العانى بيرجا سايتىندا ناقتىلانباعان. "قازاقستان قور بيرجاسىنىڭ رەسمي تٸزٸمٸندە قۇندى قاعازدارى بار "كازكوممەرتسبانك" 2017 جىلدىڭ 14 ناۋرىزىندا 200 ميلليارد تەڭگە سوماسىندا قارىزدى ارنايى ماقساتتاعى قارىزدىڭ پرولونگاتسيياسىنا العانىن حابارلادى", - دەلٸنگەن حابارلامادا.
بۇل قارىزدىڭ قارجى مەكەمەسٸنٸڭ ٶز كاپيتالىمەن سالىستىرعانداعى پايىزدىق ايىرماسى 32,7 پايىزعا تەڭ.
ەستەرٸڭٸزگە سالايىق, 2016 جىلدىڭ قاراشاسىندا رەيتەر قازكومنىڭ حالىق بانكپەن بٸرٸگۋ تۋرالى كەلٸسسٶز جٷرگٸزٸپ جاتقانىن حابارلاعان ەدٸ. ول كەزدەرٸ قازكوم ٶزدەرٸ ەشقانداي ۇسىنىس جاساماعانىن جەنە حالىق بانك تاراپىنان ەشبٸر ۇسىنىس تٷسپەگەنٸن ايتقان.
2016 جىلدىڭ سوڭىندا ۇلتتىق بانكتٸڭ باسقارماسى جٷيەلٸك ماڭىزى بار بولعاندىقتان قازكومگە 400.8 ملرد تەڭگە كٶلەمٸندە كٶمەك بەرۋ تۋرالى شەشٸم شىعارعان. قارجى رەتتەۋشٸ «قارىز بانكتٸڭ كليەنتتەرٸ الدىنداعى مٸندەتتەمەلەرٸن ٶتەي الۋى ٷشٸن قوسىمشا ٶتٸمدٸلٸگٸن ارتتىرۋ ٷشٸن بەرٸلدٸ» — دەگەن ەدٸ.
