Qazaqstan ulttyq quramasynyń bas bapkeri Talǵat Baisýfinov qyzmetinen ketti, soǵan orai sport jýrnalisi Aslan Qajenov paraqshasynda pikir bildirip, jazba qaldyrdy, dep habarlaidy ult.kz.
«KIMGE JAQPAI QALDY?! Talǵat Baisýfinovty aqyry jumystan alyp tynypty. Birer apta buryn qyzmetinen ketedi degen aqparat shyqty. Federatsiia ony resmi túrde joqqa shyǵardy. Endi búgin jumysynan ketti. Biraq, ony ózi emes, taǵy federatsiia "ózi ketti" dep resmi túrde habarlady. Qysqasy, qazaq mamanyn qazaq fýtbolyna syidyrmady. Iá, sońǵy joldastyq kezdesýler sátsiz ótti. Dese de, reitingte bizden joǵary turǵan Armeniia men Vengriia aiqyn utamyz dep kim aitty? Negizgi sebep basqada. Kimge jaqpady eken?! Jaraidy, kim kelip, kim ketpei jatyr. Ókinishtisi, erteń shetelden bireýdi ákelip, aqshany ókirtip beremiz. Alaida, men senimdimin, odan nátije bolmaidy. Óitkeni, bizde másele bapkerde emes, fýtboldyń ózi joq qoi. Oǵan kimdi qoisań da, nátije nól. Sondyqtan, bilgenderińdi istei berińder. Negizi Talǵat aǵa qazaqi naqyshymen erekshelenip, ulttyq quramany jaqsy uiystyryp edi. Ásirese, álgi Cherchesov pen Alievke qaraǵanda jigitter arasynda abyroiy bar. Erekshe qurmetke ie. Aitpaǵym, sál uiattaryń bolsa, ánsheiin laqytyra salmai, shapan jaýyp, adam siiaqty shyǵaryp salyńdar...» dedi ol paraqshasynda.
