Jambyl oblystyq jedel shtabtyń kezekti otyrysynda aimaq basshysy Berdibek Saparbaev vaktsinatsiiaǵa daiyndyq barysyn surady, dep habarlaidy "Ult aqparat".
Basqosýda oblys ákiminiń suraǵyna densaýlyq saqtaý basqarmasynyń basshysy Áset Qaliev jaýap berdi.
«Jambyldyqtarǵa eki vaktsina usynylady. Onyń biri – reseilik «Spýtnik V», al ekinshisi qazaqstandyq vaktsina. Jappai vaktsinatsiialaý úshin 140 meditsinalyq qyzmetker oqytýdan ótti», - dep jaýap berdi Áset Qaliev.
Sondai-aq, Berdibek Saparbaev QazCovid-vaktsinasyn synaqtan ótkizý aiasynda koronavirýsqa qarsy vaktsina alǵan eriktilerdiń jai-kúiin surady.
«Olarda barlyǵy jaqsy, densaýlyǵyndaǵy kórsetkishter qalypty», - dep jaýap berdi Á.Qaliev.
Aimaq basshysy vaktsinatsiia máselesin erekshe baqylaýda ustap, buqaralyq aqparat quraldaryn tarta otyryp, osy baǵyttaǵy aqparattyq-túsindirý jumystaryn kúsheitýdi tapsyrdy.
«Jappai vaktsinatsiialaýdyń mańyzdylyǵyn oblystyń árbir turǵynyna jete túsindirý qajet, óitkeni munyń bári olardyń densaýlyǵy úshin jasalýda», - dep atap ótti oblys ákimi.
Budan soń aimaq basshysy oblys ortalyǵyndaǵy jáne jaǵdaiy nashar aýdandardaǵy koronavirýs boiynsha jaýapty tulǵalarǵa júgindi. Ákimderdiń orynbasarlary bul máseleni baqylaýda ustap, ahýaldy jaqsartý úshin qoldan kelgenniń bárin jasap jatqandaryna sendirdi.
Jiyn sońynda óńir basshysy oblystyq ishki saiasat basqarmasyna koronavirýstyq infektsiia máselesi boiynsha túsindirý sharalaryn kúsheitýdi, ardagerler keńesimen de yntymaqtastyqta jumys jasaýdy tapsyrdy. Óitkeni, osy aǵa býyn ókilderi qazir tyiym salynǵan toilardan qalmaitynyn, bul olardyń densaýlyǵy úshin óte qaýipti ekenin jetkizip, aimaqtaǵy bedeldi aqsaqaldar oǵan yqpal ete alatynyn alǵa tartty.
«Rasynda, turǵyndar bosańsyp ketti, sodan oblysymyz «sary« aimaqqa ený qaýpinde tur. Munyń saldary sizderge belgili. Qazir árqaisymyz koronavirýspen kúreske bar kúsh-jigerimizdi jumsaýymyz kerek», - dep túiindedi Berdibek Saparbaev.
