16 qazanda Oral qalasyndaǵy Hadisha Bókeeva atyndaǵy qazaq drama teatrynda «Qazaqtaný» mádeni-aǵartýshylyq jobasyna arnalǵan qoǵamdyq kelisim men jalpyulttyq birliktiń qazaqstandyq úlgisin nasihattaý boiynsha respýblikalyq lektorii óz jumysyn bastady.
QHA-nyń «Qazaqtaný» dáristeri biyl Túrkistan jáne Pavlodar oblystarynda ótken bolatyn.
Qazaqstan halqy Assambleiasynyń respýblikalyq lektoriii «Qazaqtaný» jobasy, «Rýhani jańǵyrý» baǵdarlamasy aiasyndaǵy qoǵamdyq kelisim men jalpyulttyq birliktiń qazaqstandyq úlgisine arnalǵan, Elbasy N.Á.Nazarbaevtyń «Uly dalanyń jeti qyry» atty maqalasy aiasynda ony jańa qyrynan tolyqtyrýǵa baǵyttalǵan.
Atalǵan sharanyń ejelgi Jaiyq jerinde uiymdastyrylý mánin atap ótken Qazaqstan halqy Assambleiasy Tóraǵasynyń orynbasary – Hatshylyq meńgerýshisi Janseiit Túimebaev, Batys Qazaqstan oblysynyń Qazaqstan halqy Assambleiasy tatýlyq pen birlikti nyǵaitýǵa qomaqty úles qosyp jatqanyn da aityp ótti.
«Onyń quramynda 1 oblystyq jáne 13 aýdandyq QHA Keńesi, 239 - Qoǵamdyq kelisim keńesi, 158 - Analar keńesi, 153 - Aqsaqaldar keńesi, Jýrnalister klýby, oblystyq máslihattyń «Yntymaq» depýtattyq toby, Batys Qazaqstan oblystyq QHA «Jańǵyrý joly» jastar qozǵalysy, barlyq oqý oryndarynda dostyq klýbtary jáne «Meiirim shýaǵy» volonterler qozǵalysy bar.
21 000-nan astam adam belsendi aktiv qatarynda.
Ákimdiktiń qoldaýymen barlyq qajetti jaǵdailar jasalǵan. Oral qalasynyń ortalyq bóliginde ornalasqan jańa Dostyq úii zamanǵa sai tehnikalyq jabdyqtalǵan.
«Qazaqstannyń kieli jerleriniń geografiiasy» jobasy aiasynda oblystaǵy kieli nysandar qataryna Jaiyq qalashyǵy, «Bókei Ordasy» tarihi-murajai kesheni, Taqsai qorǵan kesheni, Jumaǵazy áziret pen Ǵumar Qarashtyń beiiti, Jympity aýylyndaǵy Alashorda mýzeii kirdi.
Assambleianyń bastamasymen «Rýhani jańǵyrý» mýzeii ashyldy, latyn grafikasyna kóshý jónindegi, «Jahandyq álemdegi zamanaýi qazaqstandyq mádeniet», «Týǵan jer» jobalary iske asyryldy.
Ǵylymi-sarapshylyq top jumys isteidi.
M.Ótemisov atyndaǵy Batys Qazaqstan memlekettik ýniversitetinde «Qazaqstan halqy Assambleiasy» kafedrasy jumys isteidi».
Plenarlyq májilistiń jumysyna sáttilik tilegen Batys Qazaqstan oblysynyń ákimi, oblystyq Qazaqstan halqy Assambleiasynyń tóraǵasy Ǵali Isqaliev: «Qazaqstan halqy Assambleiasy búginde qazaqtai qara shańyraqtyń ýyqtaryna ainalǵan barsha etnostardy bir múddege toǵystyryp, tatýlyq pen turaqtylyqtyń, beibitshilik pen kelisimniń temirqazyǵyna ainaldy.
«Máńgilik el» bolý muratyna baǵyttalǵan birtutas el, bir taǵdyr qaǵidasyn kózdeitin Assambleianyń tyń jobalarynyń ishindegi ǵylymi-tanymdyq «Qazaqtaný» jobasy - qazaq mádenietin, tarihyn, filosofiiasyn, sondai-aq qazaq halqynyń qundylyqtaryn barlyq qazaqstandyq etnostar arasynda dáripteýge arnalǵan. Sondyqtan osy jobanyń mańyzdylyǵy men maqsattaryn ulyqtaýǵa arnalǵan búgingi jiynymyzdyń da narqy zor dep bilemin», - dei otyryp, jobanyń negizgi maqsaty – qazaqstandyqtardyń ortaq mádeni kodynyń, birtutas qundylyqtarynyń jáne jalpyulttyq tarihi sanasynyń negizinde halyqtyń birligin nyǵaitý ekenin atap ótti.
Jyl basynan «Uly dalanyń jeti qyry» men «Qazaqtaný» jobasy aiasynda Batys Qazaqstan oblysy Qazaqstan halqy Assambleiasynyń júzege asyryp kele jatqan kóptegen igi sharalary týraly sóz etken oblys ákimi: «Rýhani keńistigimizdiń jańa jańǵyrýynyń jarqyn nyshanyna ainalǵan, sanany jańǵyrtý, ulttyq bolmystan, ulttyq kodtan aiyrylyp qalmai, ony álemdik qundylyqtarmen úilestirip, Qazaqstannyń igiligine jaratý jolyndaǵy maqsat-múddelerdi arqaý etken baǵdarlamany júzege asyratyn «Rýhani jańǵyrý» ortalyǵy da oblystyq Qazaqstan halqy Assambleiasynyń qurylymy bolyp tabylady.
Kúni búginge deiin baǵdarlamanyń «Básekelik qabilet», «Pragmatizm», «Ulttyq biregeilikti saqtaý», «Bilimniń saltanat qurýy», «Qazaqstannyń revoliýtsiialyq emes, evoliýtsiialyq damýy», «Sananyń ashyqtyǵy» bólimderi boiynsha, sondai-aq Ulttyq dombyra kúnine arnalǵan «Dombyra party» siiaqty kóptegen igi sharalar atqaryldy», - dep atap ótti.
Batys Qazaqstan oblystyq assambleiasynyń aýqymdy jumystar atqaryp, Assambleia jumysynda kóptegen mańyzdy bastamalardyń generatory bolyp otyr. Dál osy óńirde búkil el boiynsha halyqpen jumystyń mańyzdy quraly bolyp tabylatyn, QHA-nyń alǵashqy qoǵamdyq kelisim keńesteri qurylǵan bolatyn.
«Qazaqtaný» mádeni-aǵartýshylyq jobasy máni men mańyzy boiynsha «Rýhani jańǵyrý» ideiasyna sáikes keledi.
Búgin jańǵyrýdyń jańa kezeńi aiasynda qazaq halqynyń qundylyqtary da jańartylýda», - degen Janseiit Túimebaev joba aiasynda 2019 jyldyń basynan beri respýblikalyq jáne óńirlik deńgeilerde 57 000 adamdy qamtityn 167 is-shara ótkizilgenin, jobanyń BAQ-ta keńinen jariialanǵanyn atap óte otyryp, jobanyń barlyq uiymdastyrýshylary men qatysýshylaryna alǵys bildirdi.
Jalpy, respýblikalyq lektorii aiasynda ulttyq qolóner sheberleriniń kórmesi uiymdastyrylyp, qatysýshylar BQO QHA «Tatýlasý» ortalyǵynda boldy. Sonymen qatar, QHA ǵylymi-sarapshylyq tobynyń keńeitilgen otyrysy, sondai-aq 16-17 qazan kúnderi Batys Qazaqstan oblysynda qalanyń Dostyq úii men ár túrli mekemelerinde jáne Báiterek, Terekti, Bórli aýdandarynda: joǵary oqý oryndarynda, kolledjderde jáne basqa da uiymdarda «Qazaqtaný» dáristeri ótkizildi.
.jpeg)