Astanadaǵy Táýelsizdik saraiynda Qazaqstanǵa resmi saparmen kelgen Chernogoriia Prezidenti Iakov Milatovichti saltanatty qarsy alý rásimi ótti, dep habarlaidy ult.kz.
Rásim barysynda Memleket basshysy Qasym-Jomart Toqaev pen Chernogoriia Prezidenti bir-birine resmi delegatsiia múshelerin tanystyrdy. Qurmet qaraýyly rotasynyń bastyǵy raport bergennen keiin eki eldiń memlekettik ánurandary oryndaldy.
Odan keiin memleket basshylary shaǵyn quramda kelissóz ótkizdi.
Qasym-Jomart Toqaev Chernogoriia prezidentiniń bul sapary tarihi mańyzǵa ie ekenin atap ótti.
«Chernogoriia memleketi basshysynyń alǵashqy resmi saparyna erekshe mán berip otyrmyz. Kelissózderimizdiń nátijesi ekijaqty qarym-qatynasqa tyń serpin beretinine senimdimin», – dedi Prezident.
Memleket basshysy Qazaqstan azamattarynyń Chernogoriiany jaqsy biletinin jáne kóptegen qazaqstandyq jyl saiyn atalǵan elde demalatynyn aitty. Sonymen qatar Toqaev Chernogoriiany táýelsizdiginiń 20 jyldyǵymen quttyqtap, ekijaqty yntymaqtastyqtyń áleýeti joǵary ekenin jetkizdi.
Óz kezeginde Iakov Milatovich Qazaqstanǵa shaqyrǵany úshin alǵys aityp, bul sapar eki memleket arasyndaǵy bailanystardyń jańa kezeńin bastaitynyna senim bildirdi.
«Bul – Chernogoriia Prezidentiniń Qazaqstanǵa alǵashqy resmi sapary. Búgin biz ekijaqty yntymaqtastyqtyń kókjiegin keńeitemiz dep senemin. Men Qazaqstanǵa dostas eldiń ókili retinde keldim», – dedi ol.
Chernogoriia basshysy sapar aiasynda eki eldiń saýda palatalary biznes-forým ótkizetinin jáne birqatar memorandýmdarǵa qol qoiylatynyn málimdedi. Sondai-aq ol Qazaqstan azamattary úshin Chernogoriianyń tanymal týristik baǵyttardyń biri ekenin atap ótip, osy saladaǵy bailanysty odan ári damytýǵa múddeli ekenin jetkizdi.
Kelissózder barysynda taraptar saiasi dialogty nyǵaitý, saýda-ekonomikalyq yntymaqtastyqty keńeitý, investitsiialyq bailanystardy damytý jáne týrizm salasyndaǵy seriktestikti tereńdetý máselelerin talqylady.
