Qazaqstandyqtardyń basym bóligi jańalyqty internetten alady. Áleýmettik jeliler men jańalyq saittaryn negizgi aqparat kózi retinde respondentterdiń 54,3%-y ataǵan, dep habarlaidy ult.kz.
Bul málimetter Buqaralyq aqparat quraldary qyzmetkerleri kúnine orai júrgizilgen saýalnama nátijesinde belgili boldy.
Saýalnamaǵa sáikes, qazaqstandyqtardyń 54,3%-y jańalyqtardy áleýmettik jeliler men jańalyq saittary arqyly oqidy. Degenmen, teledidar da óz mańyzyn joǵaltpaǵan. Respondentterdiń 47,8%-y aqparatty áli kúnge deiin telearnalardan alady.
Zertteý avtorlarynyń aitýynsha, internet pen teledidar bir-birine básekeles emes. Bir aqparat kózin paidalaný ekinshisine degen qyzyǵýshylyqtyń tómendeýine áser etpeidi.
Saýalnama nátijesi boiynsha jańalyq alýǵa arnalǵan eń tanymal platformalar mynalar:
- Instagram – 59,4%;
- WhatsApp – 51%;
- TikTok – 30,8%;
- YouTube – 30%.
Osylaisha, Instagram qazaqstandyqtar úshin basty aqparat alańyna ainalsa, WhatsApp ekinshi orynda tur. Al TikTok pen YouTube-tyń aqparat kózi retindegi tanymaldyǵy shamalas ekeni anyqtaldy.
Zertteý nátijeleri qazaqstandyqtardyń aqparat tutyný mádenietinde tsifrlyq platformalardyń róli jyldan-jylǵa artyp kele jatqanyn kórsetedi.
