قازاقستاندىقتاردىڭ باسىم بٶلٸگٸ جاڭالىقتى ينتەرنەتتەن الادى. ەلەۋمەتتٸك جەلٸلەر مەن جاڭالىق سايتتارىن نەگٸزگٸ اقپارات كٶزٸ رەتٸندە رەسپوندەنتتەردٸڭ 54,3%-ى اتاعان, دەپ حابارلايدى ult.kz.
بۇل مەلٸمەتتەر بۇقارالىق اقپارات قۇرالدارى قىزمەتكەرلەرٸ كٷنٸنە وراي جٷرگٸزٸلگەن ساۋالناما نەتيجەسٸندە بەلگٸلٸ بولدى.
ساۋالناماعا سەيكەس, قازاقستاندىقتاردىڭ 54,3%-ى جاڭالىقتاردى ەلەۋمەتتٸك جەلٸلەر مەن جاڭالىق سايتتارى ارقىلى وقيدى. دەگەنمەن, تەلەديدار دا ٶز ماڭىزىن جوعالتپاعان. رەسپوندەنتتەردٸڭ 47,8%-ى اقپاراتتى ەلٸ كٷنگە دەيٸن تەلەارنالاردان الادى.
زەرتتەۋ اۆتورلارىنىڭ ايتۋىنشا, ينتەرنەت پەن تەلەديدار بٸر-بٸرٸنە بەسەكەلەس ەمەس. بٸر اقپارات كٶزٸن پايدالانۋ ەكٸنشٸسٸنە دەگەن قىزىعۋشىلىقتىڭ تٶمەندەۋٸنە ەسەر ەتپەيدٸ.
ساۋالناما نەتيجەسٸ بويىنشا جاڭالىق الۋعا ارنالعان ەڭ تانىمال پلاتفورمالار مىنالار:
- Instagram – 59,4%;
- WhatsApp – 51%;
- TikTok – 30,8%;
- YouTube – 30%.
وسىلايشا, Instagram قازاقستاندىقتار ٷشٸن باستى اقپارات الاڭىنا اينالسا, WhatsApp ەكٸنشٸ ورىندا تۇر. ال TikTok پەن YouTube-تىڭ اقپارات كٶزٸ رەتٸندەگٸ تانىمالدىعى شامالاس ەكەنٸ انىقتالدى.
زەرتتەۋ نەتيجەلەرٸ قازاقستاندىقتاردىڭ اقپارات تۇتىنۋ مەدەنيەتٸندە تسيفرلىق پلاتفورمالاردىڭ رٶلٸ جىلدان-جىلعا ارتىپ كەلە جاتقانىن كٶرسەتەدٸ.
