Shenchjen qalasynda (Qytai) ótip jatqan 28-shi Aziia jastar shahmat chempionatynda (28th Asian Youth Chess Championships 2026) qazaqstandyq sportshylar rapid boiynsha 6 medal jeńip aldy, onyń úsheýi — altyn, dep habarlaidy Qazaqstan shahmat federatsiiasy.
Jarystyń alǵashqy kúni rapid boiynsha medaldar jiyntyǵy sarapqa salyndy. Aziia chempiondary atanǵandar: Nurmuhamed Elemes (O10), Ámirjan Ánetov (O12) jáne Maqsat Baisalbekov (O14). Kúmis júldeni Ádinýr Ádilbek (O10) jeńip aldy, qola medaldardy Amaliia Edresheva (G10) jáne Alisher Ábdisattar (O14) ielendi.
Salystyrý úshin: ótken jyly osy jarystarda Qazaqstannyń jas shahmatshylary rapidte nebári eki medal alǵan edi — Aziia chempiony Ámirjan Ánetov (O10) bolsa, qola júlde sol jas sanatynda Alihan Nazarbekke buiyrǵan.
Chempionat 16–24 shilde aralyǵynda ótýde. Jarystarǵa 29 el men aýmaqtan shamamen 900 sportshy qatysýda. Jarys uldar men qyzdar úshin alty jas kategoriiasynda (U8, U10, U12, U14, U16 jáne U18) jáne barlyq úsh ýaqyt baqylaýynda — klassika, rapid jáne blits boiynsha bólek ótkiziledi. 17 shildeden bastap klassika boiynsha medaldar úshin kúres bastalady, al 24 shildede blitste medaldar sarapqa salynady.
