Qytaidyń Shenchjen qalasynda ótken 28th Asian Youth Chess Championships 2026 týrnirinde qazaqstandyq jas sportshylar 13 medal jeńip aldy: onyń altaýy — altyn, bireýi — kúmis jáne altaýy — qola, dep habarlaidy ult.kz.
Búgin klassika jáne blits boiynsha medaldar jiyntyǵy sarapqa salyndy . Klassikada Aziia chempiondary atanǵandar: Ádinýr Ádilbek (O10) jáne Ramazan Tólegen (O12). Qazaqstanǵa qola medaldardy Milana Filippova (G12) men Alisher Ábdisattar (O14) ákeldi. Ádinýr Ádilbek úshin bul osy jarystardaǵy ekinshi altyn medal. Birinshisin ol rapidte jeńip alǵan bolatyn. Rapidte altyn medaldy sonymen qatar Maqsat Baisalbekov (O14) ielendi, qola júldegerler — Amaliia Edresheva (G10) jáne Alisher Ábdisattar (O14).
Baǵdarlamanyń sońǵy túri — blitste (3+2) Aziia chempiondary atanǵandar: Nurali Nurshin (O10) jáne Mariia Holiavko (G18). Kúmis júldeni Nurmuhamed Elemes (O10) jeńip aldy, qola medaldardy Ramazan Tólegen (O12) men Dinmuhammed Tóleńdinov (O16) ielendi.
Osylaisha, úsh baǵdarlama túrinde — klassika, rapid jáne blitste — qazaqstandyqtar barlyǵy 13 medal jeńip aldy. Shenchjendegi jarystar 16–24 shilde aralyǵynda ótti. Oǵan 30 el men aýmaqtan shamamen 900 sportshy qatysty.
Salystyrý úshin: ótken jyly Tailandtyń Bangkok qalasynda ótken chempionatta bizdiń shahmatshylar 11 medal jeńip alǵan edi, onyń 5-i altyn bolǵan.
