قىتايدىڭ شەنچجەن قالاسىندا ٶتكەن 28th Asian Youth Chess Championships 2026 تۋرنيرٸندە قازاقستاندىق جاس سپورتشىلار 13 مەدال جەڭٸپ الدى: ونىڭ التاۋى — التىن, بٸرەۋٸ — كٷمٸس جەنە التاۋى — قولا, دەپ حابارلايدى ult.kz.
بٷگٸن كلاسسيكا جەنە بليتس بويىنشا مەدالدار جيىنتىعى ساراپقا سالىندى . كلاسسيكادا ازييا چەمپيوندارى اتانعاندار: ەدٸنۋر ەدٸلبەك (O10) جەنە رامازان تٶلەگەن (O12). قازاقستانعا قولا مەدالداردى ميلانا فيليپپوۆا (G12) مەن اليشەر ەبدٸساتتار (O14) ەكەلدٸ. ەدٸنۋر ەدٸلبەك ٷشٸن بۇل وسى جارىستارداعى ەكٸنشٸ التىن مەدال. بٸرٸنشٸسٸن ول راپيدتە جەڭٸپ العان بولاتىن. راپيدتە التىن مەدالدى سونىمەن قاتار ماقسات بايسالبەكوۆ (O14) يەلەندٸ, قولا جٷلدەگەرلەر — امالييا ەدرەشەۆا (G10) جەنە اليشەر ەبدٸساتتار (O14).
باعدارلامانىڭ سوڭعى تٷرٸ — بليتستە (3+2) ازييا چەمپيوندارى اتانعاندار: نۇرالي نۇرشين (O10) جەنە مارييا حولياۆكو (G18). كٷمٸس جٷلدەنٸ نۇرمۇحامەد ەلەمەس (O10) جەڭٸپ الدى, قولا مەدالداردى رامازان تٶلەگەن (O12) مەن دٸنمۇحاممەد تٶلەڭدٸنوۆ (O16) يەلەندٸ.
وسىلايشا, ٷش باعدارلاما تٷرٸندە — كلاسسيكا, راپيد جەنە بليتستە — قازاقستاندىقتار بارلىعى 13 مەدال جەڭٸپ الدى. شەنچجەندەگٸ جارىستار 16–24 شٸلدە ارالىعىندا ٶتتٸ. وعان 30 ەل مەن اۋماقتان شامامەن 900 سپورتشى قاتىستى.
سالىستىرۋ ٷشٸن: ٶتكەن جىلى تايلاندتىڭ بانگكوك قالاسىندا ٶتكەن چەمپيوناتتا بٸزدٸڭ شاحماتشىلار 11 مەدال جەڭٸپ العان ەدٸ, ونىڭ 5-ٸ التىن بولعان.
