Qazaqstandyq jas jubailardyń nebári 210 myń teńgege toi jasaǵany áleýmettik jeli qoldanýshylarynyń nazaryn aýdardy, dep habarlaidy ult.kz.
Jas jubailar 50 adamǵa arnalǵan merekeniń barlyq shyǵynyn ashyq bólisken. Olardyń aitýynsha, saltanatty neke qiiý rásimi men fýrshetke 125 myń teńge jumsalǵan.
Qalǵan shyǵyndary:
- toi kóilegi – 19 myń teńge;
- kúieý jigittiń kostiými – 13 myń teńge;
- neke qiiý rásimi – 20 myń teńge;
- qolǵa ustaityn gúlder – 4 myń teńge;
- qalyńdyqtyń shash úlgisi – 9 myń teńge;
- fotograf qyzmeti – 20 myń teńge.
Osylaisha, jas jubailardyń jalpy shyǵyny 210 myń teńgeni quraǵan.
Qalyńdyqtyń aitýynsha, toi kóilegi men kúieý jigittiń kostiýmin qytailyq internet-dúkennen tapsyrys bergen. Al makiiajyn ózi jasaǵan.
Qarapaiym ári únemdi toi týraly oqiǵa jelide qyzý talqylanyp, qoldanýshylar arasynda toi shyǵynyn azaitý jáne biýdjetti aldyn ala josparlaý týraly pikirtalas týdy.
