Tokyo Metropolitan University (TMU) shetel azamattaryn Tokyo Global Partner Scholarship Program (Tokyo GP) stipendiialyq baǵdarlamasyna qatysýǵa shaqyrady. Baǵdarlama daryndy stýdentterge Japoniiada magistratýra nemese doktorantýra baǵdarlamalary boiynsha bilimin jalǵastyrýǵa múmkindik beredi, dep habarlaidy ult.kz.
Baǵdarlama álemniń túkpir-túkpirinen perspektivaly stýdentterdi tartýǵa, sondai-aq halyqaralyq bilim berý jáne ǵylymi yntymaqtastyqty damytýǵa baǵyttalǵan.
Tokyo GP baǵdarlamasy aiasynda oqýǵa túsý jarnasy men oqý aqysy, halyqaralyq áýe biletteriniń shyǵyndary tolyq óteledi, sondai-aq ai saiyn 150 000 japon ienasy mólsherinde stipendiia tólenedi.
Baǵdarlamaǵa Aziia elderi men óńirlerinde bilim alyp jatqan TMU-dyń seriktes ýniversitetteriniń stýdentteri, sondai-aq tiisti elderdegi ǵylymi-zertteý uiymdarynyń, memlekettik organdar men kompaniialardyń qyzmetkerleri qatysa alady.
Bilim berý Science, Urban Environmental Sciences, Systems Design, Human Health Sciences jáne basqa da baǵyttar boiynsha júzege asyrylady. Sonymen qatar jekelegen bilim berý baǵdarlamalary tek japon tilinde oqytylady.
Baǵdarlamaǵa qatysý úshin:
1. Tokyo Global Partner Scholarship Program baǵdarlamasynyń resmi saityna ótý.
2. Tokyo Metropolitan University quramyndaǵy Graduate School-dy tańdaý. Tańdaý bilim alǵysy keletin baǵytqa sáikes júzege asyrylady.
3. Master’s nemese PhD deńgeiindegi bilim berý baǵdarlamasyn tańdaý.
Magistratýraǵa túsý úshin bakalavr dárejesi, al doktorantýraǵa túsý úshin magistr dárejesi nemese oǵan teńestirilgen biliktilik qajet.
4. Tokyo GP baǵdarlamasynyń belgilengen talaptaryna sáikestigin tekserý. Úmitkerdiń GPA kórsetkishi keminde 2,30 bolýy tiis. Sonymen qatar aǵylshyn tilin CEFR boiynsha B2 nemese odan joǵary deńgeide meńgergenin tiisti biliktilik qujaty nemese sertifikattyq test nátijesi arqyly rastaýy ne japon tilin JLPT boiynsha N2 nemese odan joǵary deńgeide bilýi qajet. Budan bólek, úmitker baǵdarlamanyń aýmaqtyq jáne seriktestik talaptaryna sáikes kelýi tiis.
5. Tańdalǵan Graduate School-dyń Application Guidelines qujatymen tanysý. Qujatta qajetti qujattar tizimi, ótinim berý merzimderi men tártibi kórsetiledi. Talaptar men merzimder Graduate School jáne tańdalǵan bilim berý baǵdarlamasyna qarai erekshelenýi múmkin.
6. Ótinimdi tańdalǵan Tokyo Metropolitan University Graduate School-yna belgilengen tártippen jáne kórsetilgen merzimde berý. Irikteý jáne qabyldaý rásiminen ótý.
7. Úmitker tiisti Graduate School belgilegen irikteý kezeńderinen ótedi. Irikteý formaty men talaptary tańdalǵan baǵdarlamanyń Application Guidelines qujatynda kórsetiledi.
8. Irikteýden sátti ótken jaǵdaida stipendiia alý. Tokyo GP baǵdarlamasy qabyldaý (emtihan) jarnasynan, oqýǵa qabyldaý jarnasynan jáne oqý aqysynan bosatýdy, ai saiyn 150 000 ien mólsherinde stipendiia tóleýdi, sondai-aq oqý aiaqtalǵannan keiin Japoniiaǵa barý jáne keiin elge qaitý úshin áýe biletteriniń aqysyn óteýdi kózdeidi. Sonymen qatar ýniversitet turǵyn úi izdeýge qoldaý kórsetedi.
Qarjylandyrý merzimi magistratýra baǵdarlamalary úshin 2 jylǵa deiin, PhD baǵdarlamalary úshin 3 jylǵa deiin beriledi.
Oqý 2027 jylǵy 1 sáýirde bastalady. Qujattardy tapsyrýdyń naqty merzimi tańdalǵan Graduate School-ǵa bailanysty belgilenedi jáne tiisti Application Guidelines qujatynda kórsetiledi.
Qatysý sharttary, qoljetimdi bilim berý baǵdarlamalary jáne ótinim berý tártibi týraly tolyq aqparat Tokyo Metropolitan University resmi saitynda ornalastyrylǵan.
