Қазақстан Тәуелсіздігіне 25 жыл

Qazaqstanda antibiotikterdi retseptisiz satqan dárihanalarǵa 8,2 mln teńgeden astam aiyppul salyndy

Qazaqstanda antibiotikterdi retseptisiz satqan dárihanalarǵa 8,2 mln teńgeden astam aiyppul salyndy
ashyq derekkóz

Qazaqstanda jyl basynan beri antibiotikterdi dáriger retseptisiz satqan dárihanalarǵa 8,2 mln teńgeden astam aiyppul salyndy. Densaýlyq saqtaý ministrliginiń málimetinshe, osy ýaqyt aralyǵynda 38 ákimshilik hattama toltyrylǵan, dep habarlaidy ult.kz.

Dárilik zattardy satý tártibiniń saqtalýyn Meditsinalyq jáne farmatsevtikalyq baqylaý komitetiniń aýmaqtyq departamentteri tekserip jatyr.

Salystyrmaly túrde alǵanda, 2023 jyly retseptisiz dári satý boiynsha 26 hattama toltyrylyp, 3,5 mln teńgeden astam aiyppul salynǵan. 2024 jyly 45 hattama jasalyp, aiyppul kólemi 7,6 mln teńgeden asqan. Al 2025 jyly 59 hattama toltyrylyp, 9,5 mln teńgeden astam aiyppul óndirilgen.

Retseptisiz satýǵa jii áreket jasalatyn antibiotikterdiń qatarynda «Azitromitsin», «Tseftriakson», «Tsefazolin» jáne «Tsiprofloksatsin» bar.

Ministrlik antibiotikterdi dárigerdiń taǵaiyndaýynsyz qabyldaý bakteriialardyń dárige tózimdiligin arttyratynyn eskertedi. Bul infektsiialyq aýrýlardy emdeýdi qiyndatyp, preparattardyń tiimdiligin tómendetýi múmkin.

Osy máseleni baqylaýdy kúsheitý úshin Densaýlyq saqtaý ministrligi Tsifrlyq ekonomikany damytý ortalyǵymen birlesip, joǵary táýekel tobyna jatatyn dárilerge mindetti elektrondyq retsept engizý jumystaryn júrgizip jatyr. Jańa júie dárilik zattardy tsifrlyq tańbalaý jáne qadaǵalaý júiesimen biriktiriledi.