Qyrǵyzstanda ótken halyqaralyq «Ystyqkól kýbogy – 2026» alaman báigesinde kópshilikti tánti etken erekshe oqiǵa boldy, dep habarlaidy ult.kz.
Jarys barysynda qazaqstandyq shabandoz at ústinen qulap qalǵan. Sol sátte kórermender arasynda júrgen qyrǵyzstandyq Alihan Asqarbekov esh oilanbastan júirikke qarǵyp minip, báigeni jalǵastyrǵan. Alihannyń batyldyǵy men shapshańdyǵynyń arqasynda tulpar márege úshinshi bolyp jetip, júldeli orynnan kórindi.
Osy áserli oqiǵadan keiin qazaqstandyq shabandoz azamattyq tanytyp, úshinshi oryn úshin berilgen aqshalai syiaqyny – shamamen 2,8 myń dollardy Alihan Asqarbekovke tabystaý týraly sheshim qabyldaǵan.
Bul oqiǵa áleýmettik jeli qoldanýshylarynyń yqylasyna bólenip, kópshilik qazaqstandyq sportshynyń keńpeiildigi men qyrǵyzstandyq balanyń batyldyǵyna joǵary baǵa berdi.
