Aichi–Nagoiada ótip jatqan XX jazǵy Aziia oiyndarynda qazirgi bessaiystan Qazaqstannyń úsh sportshysy da áielder arasyndaǵy finalǵa joldama aldy. Endi olar qurlyq dodasynyń júldesi úshin baq synaidy, dep habarlaidy ult.kz.
Japoniiada ótip jatqan Aziia oiyndarynda áielder arasyndaǵy qazirgi bessaiystan jartylai finaldyq jarystar aiaqtaldy.
Qazaqstan namysyn qorǵaǵan Aiana Qazbekova, Iýliana Petrova jáne Diana Shedrova óz toptarynda úzdik toǵyz sportshynyń qataryna enip, finalǵa ótti.
Jartylai finalda sportshylar semserlesý, kedergiler jolaǵy, júzý, júgirý jáne lazerlik tapansha atýdan synǵa tústi.
A toby:
Aiana Qazbekova – 5-oryn, 1363 upai;
Iýliana Petrova – 9-oryn, 1345 upai.
V toby:
Diana Shedrova – 5-oryn, 1356 upai.
Ár jartylai finaldyq toptan eń úzdik toǵyz sportshy finalǵa joldama aldy.
Osylaisha Qazaqstannyń úsh bessaiysshysy da Aziia oiyndarynyń medaldary úshin kúresin jalǵastyrady.
Áielder arasyndaǵy qazirgi bessaiystyń finaly 20 qyrkúiekte ótedi.
