Qazaqstandyq bishi ári horeograf Madina Beisekeeva álemge tanymal Eiforiia serialynyń úshinshi maýsymynda epizodtyq rólde boi kórsetti. Bul onyń akterlik mansabyndaǵy alǵashqy tájiribesi boldy, dep habarlaidy ult.kz.
Óner iesi qýanyshty jańalyǵyn Instagram paraqshasynda bólisip, jańa epizodtan kadrlar jariialady.
– Meni “Eiforiianyń” úshinshi maýsymynan kórińizder. Bul – meniń akterlik debiýtim, – dep jazdy ol.
Epizod sońyndaǵy titrlarda qazaqstandyqtyń esimi Tiny Tigress keiipkerin somdaýshy retinde kórsetilgen. Jeli qoldanýshylary men áriptesteri Madinany jańa jetistigimen quttyqtap, onyń halyqaralyq jobadaǵy tabysyna qýanyshtaryn bildirdi.
Madina Beisekeeva birneshe jyldan beri AQSh-tyń Los-Andjeles qalasynda turyp, shyǵarmashylyq qyzmetpen ainalysyp keledi. Osy ýaqyt ishinde ol Ledi Gaga jáne Doechii sekildi álemdik juldyzdarmen jumys istep, «Runway» mýzykalyq beinebaianyna da túsken.
Aita keteiik, «Eiforiianyń» úshinshi maýsymy biyl kóktemde kórermenge jol tartty jáne sońǵy jyldardaǵy eń kóp kútken televiziialyq jobalardyń biri sanalady.
