Škoda Octavia Qazaqstan naryǵynda 2.0 TSI qozǵaltqyshy jáne aldyńǵy jetegi bar jańa modifikatsiiamen tolyqty. Mundai úilesim Eýropa naryǵynda dinamika, únemdilik jáne kúndelikti qoldanystaǵy tiimdiligi úshin joǵary suranysqa ie.
Jańa nusqa Octavia modeliniń júrgizýshilik sipatyn tolyq ashýǵa múmkindik beredi. Qozǵaltqysh kóliktiń senimdi dinamikasyn qamtamasyz ete otyryp, model baǵalanatyn jailylyq pen tiimdilikti saqtaidy.
Bul – keń salony, oilastyrylǵan ergonomikasy jáne syiymdy júksalǵyshy bar sol Octavia. Alaida endi gaz pedalin sál qattyraq basqysy keletin júrgizýshiler úshin onyń minezi de birshama ózgeshe.
Qazaqstandaǵy eýropalyq brendtiń resmi distribiýtorynyń habarlaýynsha, jańa Škoda Octavia mynadai sipattamalarǵa ie:
tórt tsilindrli, týrbokompressorly 2.0 TSI qozǵaltqyshy, qýaty – 190 at kúshi;
7 satyly DSG robottandyrylǵan berilis qoraby;
aldyńǵy jetek;
otynnyń aralas tsikli boiynsha shyǵyny – 100 shaqyrymǵa 6,1 litr;
eń joǵary ainalý momenti – 320 Nm;
maksimaldy jyldamdyǵy – 228 km/saǵ;
0-den 100 km/saǵ-qa deiingi údeý ýaqyty – 7,3 sekýnd.
Bul modifikatsiia Octavia-nyń Qazaqstan naryǵynda burynnan usynylyp kele jatqan aldyńǵy jetekti, únemdi 1.4 TSI nusqasyna, sondai-aq qazaqstandyq tutynýshylar arasynda suranysqa ie tolyq jetekti 2.0 TSI nusqasyna qosyldy.
Jańa Škoda Octavia matritsalyq LED faralarmen, bylǵary oryndyqtarmen, tsifrlyq aspaptar panelimen, 13 diýimdik ekrany jáne 8 dinamigi bar mýltimediialyq júiemen, Climatronic klimat-baqylaý júiesimen jáne SmartLink júiesimen jabdyqtalǵan.
Sonymen qatar Head-up proektsiialyq displeii, jady fýnktsiiasy bar aldyńǵy oryndyqtardyń elektrli rettelýi, oryndyq jastyqshasynyń tereńdigin retteý, jeldetý jáne massaj fýnktsiialary, virtýaldy pedali bar júksalǵysh qaqpaǵynyń elektrli jetegi qarastyrylǵan. Kólikte ortalyq qaýipsizdik jastyǵyn qosa alǵanda, 10-ǵa deiin qaýipsizdik jastyǵy jáne tolyq qysqy paket bar.
Foto: Allur
Jailylyq pen qaýipsizdik
Avtomobildiń passivti jáne belsendi qaýipsizdik deńgeii halyqaralyq talaptar men standarttarǵa sáikes keledi. Škoda Octavia táýelsiz Euro NCAP qaýipsizdik synaqtarynda eń joǵary – bes juldyzdy baǵalaýǵa ie bolǵan.
«Octavia modeldik qataryn keńeitý – Škoda brendiniń Qazaqstandaǵy damýynyń zańdy kezeńi. Biz modeldiń negizgi artyqshylyqtaryn saqtai otyryp, klientterge túrli paidalaný stsenariilerine arnalǵan sheshimder usynýǵa tyrysamyz. Jańa modifikatsiia senimdi dinamikany, joǵary únemdilikti jáne Škoda-ǵa tán praktikalyqty úilestirip, óz klasyndaǵy eń teńgerimdi avtomobilderdiń birin usynady», – dedi Qazaqstandaǵy Škoda distribýtsiiasynyń basshysy Andrei Tananykin.
Avtomobilder Qostanaidaǵy Allur zaýytynyń óndiristik qýattarynda shyǵarylady. Škoda – Qazaqstanda jergilikti óndirisi jolǵa qoiylǵan jalǵyz eýropalyq avtomobil brendi.
Foto: Allur
Baǵasy qansha?
2.0 TSI qozǵaltqyshy jáne aldyńǵy jetegi bar jańa Škoda Octavia Qazaqstandaǵy brendtiń resmi dilerlerinde satylymǵa shyqty. Model Selection jáne SportLine atty eki jiyntyqta usynylady. Baǵasy – 19 490 000 teńge.
Sonymen qatar Škoda-nyń resmi distribiýtory brendtiń barlyq modeldik qataryna arnalǵan qoldanystaǵy qarjylyq usynystardy eske saldy.
Qazaqstan naryǵyndaǵy bestseller Škoda Kodiaq-tyń Selection jáne SportLine jiyntyqtaryn 5 mln teńgege deiingi tiimdilikpen satyp alýǵa bolady.
Al brendtiń flagmandyq modeli Škoda Superb barlyq jiyntyqta 3 mln teńgege deiingi jeńildikpen usynylady.
Foto: Allur
Eýropalyq qyzmet kórsetý standarttary
Škoda avtomobilderine 3 jyl nemese 100 myń shaqyrym kepildik beriledi. Onyń alǵashqy eki jyly júris qashyqtyǵyna shekteýsiz.
Qazaqstandaǵy resmi dilerler men Škoda servistik ortalyqtarynda tek VAG kontserni usynǵan mailar men basqa da tehnikalyq suiyqtyqtar, sondai-aq Eýropada óndirilgen túpnusqa qosalqy bólshekter men shyǵyn materialdary paidalanylady.
31 tamyzǵa deiin Škoda-nyń barlyq jańa klientteri avtomobil satyp alǵan kúnnen bastap bir jyl ishinde servistik qyzmet kórsetý men oǵan qatysty taýarlarǵa 30%-ǵa deiingi tiimdilikti kózdeitin baǵdarlamaǵa qatysa alady.
Škoda Octavia – eýropalyq brendtiń basty bestselleri ári onyń vizittik kartochkasy. Modeldiń óndiriste júrgenine 70 jylǵa jýyq ýaqyt boldy. Osy ýaqyt ishinde álemniń 100-den astam elinde 7 millionnan astam avtomobil satylǵan.
Octavia jáne Qazaqstandaǵy Škoda modelderiniń basqa da nusqalary týraly tolyq aqparatty Qazaqstan aýmaǵyndaǵy brendtiń resmi dilerlik ortalyqtarynan jáne distribiýtordyń resmi saitynan alýǵa bolady.
Foto: Allur
Foto: Allur
