Densaýlyq saqtaý ministrligi 15 tamyzǵa deiin elimizdegi bosandyrý qyzmetin kórsetetin barlyq 69 meditsinalyq uiymda aýqymdy tekserý júrgizedi. Bul týraly vedomstvonyń baspasóz qyzmeti habarlady, dep habarlaidy ult.kz.
Ministr Aqmaral Álnazarovanyń tapsyrmasyna sáikes, Sanitariialyq-epidemiologiialyq baqylaý komiteti meditsinalyq uiymdarda infektsiialyq baqylaý talaptarynyń saqtalýyn baǵalaidy. Tekserýdiń negizgi maqsaty – analar men jańa týǵan nárestelerdiń qaýipsizdigin qamtamasyz etip, aýrýhanaishilik infektsiialardyń aldyn alý.
Ministrliktiń málimetinshe, tekserýlerdiń maqsaty aiyppul sanyn kóbeitý emes, qaýipterdiń aldyn alyp, olardy der kezinde joiý jáne kórsetiletin meditsinalyq kómektiń sapasyn arttyrý.
«Infektsiialyq baqylaý júiesiniń basty mindeti – saldarmen kúresý emes, táýekelderdiń aldyn alý. Infektsiianyń árbir jaǵdaiy kásibi turǵydan jan-jaqty taldanyp, patsientterdiń qaýipsizdigin arttyrýǵa baǵyttalǵan naqty sheshimder qabyldaýǵa negiz bolýy tiis», – dedi Densaýlyq saqtaý ministri Aqmaral Álnazarova.
Keńes qorytyndysy boiynsha infektsiia jaǵdailaryn tergep-tekserý tásilderin qaita qaraý, sanitariialyq qaǵidalar men memlekettik baqylaýdyń tekserý paraqtaryn jańartý, sondai-aq árbir infektsiia jaǵdaiynyń sebepterine obektivti baǵa berý tapsyryldy.
Budan bólek, óńirlik densaýlyq saqtaý basqarmalary meditsinalyq uiymdardy dezinfektsiia jáne zararsyzdandyrýǵa qajetti quraldarmen, jeke qorǵanysh quraldarymen, zamanaýi jabdyqtarmen jáne bir rettik meditsinalyq materialdarmen qamtamasyz etýi tiis. Sondai-aq meditsina qyzmetkerlerin infektsiialyq baqylaý máseleleri boiynsha júieli oqytý jalǵasady.
Ministrlik antibiotikterge tózimdilik máselesine de erekshe nazar aýdaryp otyr. Osyǵan bailanysty Meditsinalyq jáne farmatsevtikalyq baqylaý komiteti bakteriiaǵa qarsy preparattardy tek retsept arqyly bosatý talaptarynyń saqtalýyn kúsheitedi.
Tekserý nátijeleri boiynsha ár óńirde infektsiialyq baqylaý júiesin jetildirýge arnalǵan jol kartalary ázirlenip, bekitiledi.
