20 maýsymnan bastap elimizdiń barlyq joǵary oqý oryndarynda qabyldaý komissiialarynyń jumysy bastalady, dep habarlaidy ult.kz QR Ǵylym jáne joǵary bilim ministrligine silteme jasap.
Ministrliktiń málimetinshe, Ulttyq biryńǵai testileýden ótken jáne memlekettik bilim grantyna qatysýdy josparlamaityn talapkerler osy kúnnen bastap ózderi tańdaǵan joǵary oqý oryndaryna aqyly negizde oqýǵa túsý úshin qujattaryn tapsyra alady.
Al memlekettik bilim berý granttaryna úmitker talapkerlerden ótinishter 13-20 shilde aralyǵynda qabyldanady. Bul kezeńde talapkerler ózderi tańdaǵan bilim berý baǵdarlamalary men joǵary oqý oryndaryn kórsete alady.
Grant konkýrsyna qatysýǵa arnalǵan ótinishter talapker tańdaǵan oqý ornyna qaramastan kez kelgen joǵary oqý ornynyń qabyldaý komissiiasy arqyly qabyldanady. Sonymen qatar qujattardy joǵary oqý oryndarynyń virtýaldy qabyldaý komissiialary men eGov portaly arqyly onlain tapsyrý múmkindigi qarastyrylǵan.
Biyl joǵary oqý oryndaryna túsý úshin belgilengen shekti ball ózgerissiz qaldy. Ulttyq joǵary oqý oryndaryna túsý úshin keminde 65 ball, basqa joǵary oqý oryndaryna 50 ball jinaý qajet. Al «Pedagogikalyq ǵylymdar» baǵyty boiynsha shekti ball – 75, «Densaýlyq saqtaý» salasy boiynsha – 70, «Quqyq» baǵyty boiynsha 75 ball bolyp belgilengen.
Sondai-aq talapkerler «Qazaqstan tarihy» páni men eki beiindik pánnen nemese shyǵarmashylyq emtihannan keminde 5 ball, al «Oqý saýattylyǵy» jáne «Matematikalyq saýattylyq» pánderinen keminde 3 ball jinaýy tiis.
Ministrlik joǵary oqý oryndarynyń bilim berý baǵdarlamalary boiynsha ózderiniń qosymsha shekti baldaryn belgileýge quqyly ekenin eske saldy.
Memlekettik bilim berý granttary iegerleriniń tizimi 2026 jylǵy 10 tamyzǵa deiin jariialanady.
Aita keteiik, talapkerler shyǵarmashylyq jáne arnaiy emtihandardyń tártibi, oqý sharttary, jataqhanamen qamtamasyz etý jáne basqa da máseleler boiynsha ózderi tańdaǵan joǵary oqý oryndarynyń qabyldaý komissiialarynan keńes ala alady.
Joǵary oqý oryndaryna qujat qabyldaý 25 tamyzǵa deiin jalǵasady.
