20 ماۋسىمنان باستاپ ەلٸمٸزدٸڭ بارلىق جوعارى وقۋ ورىندارىندا قابىلداۋ كوميسسييالارىنىڭ جۇمىسى باستالادى, دەپ حابارلايدى ult.kz قر عىلىم جەنە جوعارى بٸلٸم مينيسترلٸگٸنە سٸلتەمە جاساپ.
مينيسترلٸكتٸڭ مەلٸمەتٸنشە, ۇلتتىق بٸرىڭعاي تەستٸلەۋدەن ٶتكەن جەنە مەملەكەتتٸك بٸلٸم گرانتىنا قاتىسۋدى جوسپارلامايتىن تالاپكەرلەر وسى كٷننەن باستاپ ٶزدەرٸ تاڭداعان جوعارى وقۋ ورىندارىنا اقىلى نەگٸزدە وقۋعا تٷسۋ ٷشٸن قۇجاتتارىن تاپسىرا الادى.
ال مەملەكەتتٸك بٸلٸم بەرۋ گرانتتارىنا ٷمٸتكەر تالاپكەرلەردەن ٶتٸنٸشتەر 13-20 شٸلدە ارالىعىندا قابىلدانادى. بۇل كەزەڭدە تالاپكەرلەر ٶزدەرٸ تاڭداعان بٸلٸم بەرۋ باعدارلامالارى مەن جوعارى وقۋ ورىندارىن كٶرسەتە الادى.
گرانت كونكۋرسىنا قاتىسۋعا ارنالعان ٶتٸنٸشتەر تالاپكەر تاڭداعان وقۋ ورنىنا قاراماستان كەز كەلگەن جوعارى وقۋ ورنىنىڭ قابىلداۋ كوميسسيياسى ارقىلى قابىلدانادى. سونىمەن قاتار قۇجاتتاردى جوعارى وقۋ ورىندارىنىڭ ۆيرتۋالدى قابىلداۋ كوميسسييالارى مەن eGov پورتالى ارقىلى ونلاين تاپسىرۋ مٷمكٸندٸگٸ قاراستىرىلعان.
بيىل جوعارى وقۋ ورىندارىنا تٷسۋ ٷشٸن بەلگٸلەنگەن شەكتٸ بالل ٶزگەرٸسسٸز قالدى. ۇلتتىق جوعارى وقۋ ورىندارىنا تٷسۋ ٷشٸن كەمٸندە 65 بالل, باسقا جوعارى وقۋ ورىندارىنا 50 بالل جيناۋ قاجەت. ال «پەداگوگيكالىق عىلىمدار» باعىتى بويىنشا شەكتٸ بالل – 75, «دەنساۋلىق ساقتاۋ» سالاسى بويىنشا – 70, «قۇقىق» باعىتى بويىنشا 75 بالل بولىپ بەلگٸلەنگەن.
سونداي-اق تالاپكەرلەر «قازاقستان تاريحى» پەنٸ مەن ەكٸ بەيٸندٸك پەننەن نەمەسە شىعارماشىلىق ەمتيحاننان كەمٸندە 5 بالل, ال «وقۋ ساۋاتتىلىعى» جەنە «ماتەماتيكالىق ساۋاتتىلىق» پەندەرٸنەن كەمٸندە 3 بالل جيناۋى تيٸس.
مينيسترلٸك جوعارى وقۋ ورىندارىنىڭ بٸلٸم بەرۋ باعدارلامالارى بويىنشا ٶزدەرٸنٸڭ قوسىمشا شەكتٸ بالدارىن بەلگٸلەۋگە قۇقىلى ەكەنٸن ەسكە سالدى.
مەملەكەتتٸك بٸلٸم بەرۋ گرانتتارى يەگەرلەرٸنٸڭ تٸزٸمٸ 2026 جىلعى 10 تامىزعا دەيٸن جارييالانادى.
ايتا كەتەيٸك, تالاپكەرلەر شىعارماشىلىق جەنە ارنايى ەمتيحانداردىڭ تەرتٸبٸ, وقۋ شارتتارى, جاتاقحانامەن قامتاماسىز ەتۋ جەنە باسقا دا مەسەلەلەر بويىنشا ٶزدەرٸ تاڭداعان جوعارى وقۋ ورىندارىنىڭ قابىلداۋ كوميسسييالارىنان كەڭەس الا الادى.
جوعارى وقۋ ورىندارىنا قۇجات قابىلداۋ 25 تامىزعا دەيٸن جالعاسادى.
