Qazaqstanda internet-alaiaqtyqpen kúres kúsheitilip, shetelde ornalasqan 12 alaiaqtyq koll-ortalyqtyń qyzmeti toqtatyldy. Bul týraly Bas prokýror Berik Asylov málimdedi, dep habarlaidy ult.kz.
Onyń aitýynsha, quqyq qorǵaý organdarynyń jumys tásili qylmys jasalǵannan keiin áreket etýden qylmystyń aldyn alýǵa qarai ózgerip keledi.
Máselen, Ishki ister ministrligi men óńir ákimdikterimen birlesip, jasandy intellekt jáne ushqyshsyz tehnologiialardyń kómegimen azamattarǵa qylmystyq qol suǵý qaýpi joǵary 360-tan astam lokatsiia anyqtalǵan.
«Bul jerlerde politsiia patrýldeýi kúsheitilip, 4 myńǵa jýyq jańa jaryqtandyrý núktesi men 3,5 myńnan astam beinebaqylaý kamerasy ornatyldy», – dedi Berik Asylov.
Bas prokýrordyń málimetinshe, qabyldanǵan sharalardyń nátijesinde biylǵy birinshi jartyjyldyqta eldegi qylmys deńgeii 11 paiyzǵa tómendegen. Adam óltirý, qaraqshylyq, tonaý, qorqytyp alýshylyq, urlyq jáne kóshede jasalatyn qylmys túrleri de azaiǵan.
Internettegi qylmystarǵa qarsy kúreste de nátije bar. Sońǵy jyldary alǵash ret internet-alaiaqtyqtyń ósý úrdisin toqtatyp, onyń sanyn 9 paiyzǵa tómendetýge qol jetkizilgen.
Quqyq qorǵaý organdary men «Qazaqtelekom» AQ birlesip, 1 millionnan astam kúdikti qońyraýdy toqtatqan. Sonymen qatar shetelde ornalasqan 12 alaiaqtyq koll-ortalyqtyń qyzmeti áshkerelengen.
Budan bólek, Ulttyq Banktiń Antifrod-ortalyǵy arqyly 2,9 mlrd teńgeden astam somaǵa jasalǵan alaiaqtyq tranzaktsiialar buǵattalǵan.
Al «Kibernadzor» júiesi esirtkini nasihattaityn belgileri bar 10 myńnan astam materialdy, onyń ishinde 6 myńnan astam esirtki dúkenin buǵattaǵan.
