قازاقستاندا ينتەرنەت-الاياقتىقپەن كٷرەس كٷشەيتٸلٸپ, شەتەلدە ورنالاسقان 12 الاياقتىق كولل-ورتالىقتىڭ قىزمەتٸ توقتاتىلدى. بۇل تۋرالى باس پروكۋرور بەرٸك اسىلوۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, قۇقىق قورعاۋ ورگاندارىنىڭ جۇمىس تەسٸلٸ قىلمىس جاسالعاننان كەيٸن ەرەكەت ەتۋدەن قىلمىستىڭ الدىن الۋعا قاراي ٶزگەرٸپ كەلەدٸ.
مەسەلەن, ٸشكٸ ٸستەر مينيسترلٸگٸ مەن ٶڭٸر ەكٸمدٸكتەرٸمەن بٸرلەسٸپ, جاساندى ينتەللەكت جەنە ۇشقىشسىز تەحنولوگييالاردىڭ كٶمەگٸمەن ازاماتتارعا قىلمىستىق قول سۇعۋ قاۋپٸ جوعارى 360-تان استام لوكاتسييا انىقتالعان.
«بۇل جەرلەردە پوليتسييا پاترۋلدەۋٸ كٷشەيتٸلٸپ, 4 مىڭعا جۋىق جاڭا جارىقتاندىرۋ نٷكتەسٸ مەن 3,5 مىڭنان استام بەينەباقىلاۋ كامەراسى ورناتىلدى», – دەدٸ بەرٸك اسىلوۆ.
باس پروكۋروردىڭ مەلٸمەتٸنشە, قابىلدانعان شارالاردىڭ نەتيجەسٸندە بيىلعى بٸرٸنشٸ جارتىجىلدىقتا ەلدەگٸ قىلمىس دەڭگەيٸ 11 پايىزعا تٶمەندەگەن. ادام ٶلتٸرۋ, قاراقشىلىق, توناۋ, قورقىتىپ الۋشىلىق, ۇرلىق جەنە كٶشەدە جاسالاتىن قىلمىس تٷرلەرٸ دە ازايعان.
ينتەرنەتتەگٸ قىلمىستارعا قارسى كٷرەستە دە نەتيجە بار. سوڭعى جىلدارى العاش رەت ينتەرنەت-الاياقتىقتىڭ ٶسۋ ٷردٸسٸن توقتاتىپ, ونىڭ سانىن 9 پايىزعا تٶمەندەتۋگە قول جەتكٸزٸلگەن.
قۇقىق قورعاۋ ورگاندارى مەن «قازاقتەلەكوم» اق بٸرلەسٸپ, 1 ميلليوننان استام كٷدٸكتٸ قوڭىراۋدى توقتاتقان. سونىمەن قاتار شەتەلدە ورنالاسقان 12 الاياقتىق كولل-ورتالىقتىڭ قىزمەتٸ ەشكەرەلەنگەن.
بۇدان بٶلەك, ۇلتتىق بانكتٸڭ انتيفرود-ورتالىعى ارقىلى 2,9 ملرد تەڭگەدەن استام سوماعا جاسالعان الاياقتىق ترانزاكتسييالار بۇعاتتالعان.
ال «كيبەرنادزور» جٷيەسٸ ەسٸرتكٸنٸ ناسيحاتتايتىن بەلگٸلەرٸ بار 10 مىڭنان استام ماتەريالدى, ونىڭ ٸشٸندە 6 مىڭنان استام ەسٸرتكٸ دٷكەنٸن بۇعاتتاعان.
