Ishki ister ministrligi qoǵamdyq oryndarda adamnyń júzin tanýǵa kedergi keltiretin kiimderge qatysty talaptardy saqtaý jalǵasyp jatqanyn málimdedi, dep habarlaidy ult.kz. Polisia.kz-ke silteme jasap.
Ministrlik túsindirýinshe, «Quqyq buzýshylyq profilaktikasy týraly» zańǵa sáikes, qoǵamdyq oryndarda adamnyń bet-júzin tolyq jabatyn kiim kiiýge tyiym salynǵan. Mundai kiimder adamnyń túrin kózben tanýǵa múmkindik bermese, bul quqyq buzýshylyq bolyp esepteledi.
Alaida bul talap barlyq jaǵdaiǵa birdei qoldanylmaidy. Atap aitqanda:
– aýa raiyna bailanysty;
– meditsinalyq sebeptermen;
– qyzmettik mindet atqarý kezinde;
– sporttyq jáne mádeni sharalarda bet jabýǵa ruqsat etiledi.
IIM málimetinshe, mundai erejeni alǵash buzǵandarǵa eskertý jasalady. Al bir jyl ishinde qaita qaitalansa, 10 ailyq eseptik kórsetkish kóleminde aiyppul salynady.
Qazirgi tańda osy bap boiynsha 1179 azamat ákimshilik jaýapkershilikke tartylǵan.
Ministrlik bul talaptyń dini nemese ózge de kózqarasqa emes, qoǵamdyq qaýipsizdikti qamtamasyz etýge baǵyttalǵanyn atap ótti.
«Tyiym bet-júzdi jasyratyn kez kelgen kiim túrine qatysty qoldanylady. Azamattardy qoǵamdyq oryndarda belgilengen erejelerdi saqtaýǵa shaqyramyz», – dep málimdedi IIM.
