Qazaqstanda azamattarǵa arnalǵan taǵy bir mańyzdy tsifrlyq servis – elektrondy jeke meditsinalyq kitapsha iske qosyldy. Endi ol eGov Mobile jáne Halyk mobildi qosymshalarynda qoljetimdi, dep habarlaidy ult.kz.
Endi dekrettelgen mamandyq ieleri qaǵaz túrindegi meditsinalyq kitapshany ózimen birge alyp júrýge mindetti emes. Qajet bolǵan jaǵdaida qujattyń elektrondy nusqasyn telefonnan kórsetý jetkilikti.
Sonymen qatar, jańa júie sanitariialyq-epidemiologiialyq qyzmetke mindetti meditsinalyq tekserýlerden ótý protsesin qashyqtan baqylaýǵa múmkindik beredi. Eger qyzmetkerdiń meditsinalyq tekserýi merziminen ótip ketse, ony jumystan ýaqytsha shettetý boiynsha jedel sharalar qabyldanady.
Densaýlyq saqtaý ministrliginiń málimetinshe, Qazaqstanda alǵash ret sanitariialyq-epidemiologiialyq qyzmettiń biryńǵai tsifrlyq ekojúiesi quryldy. Ol:
- memlekettik sanitariialyq-epidemiologiialyq baqylaýdy;
- dekrettelgen mamandyq ieleriniń meditsinalyq tekserýlerin;
- zerthanalyq zertteýlerdi;
- kásiporyndardaǵy óndiristik baqylaýdy;
- halyqtyń vaktsinatsiiasyn monitoringteýdi biriktiredi.
Jańa tsifrlyq sheshim qujat ainalymyn jeńildetip, sanitariialyq baqylaýdyń tiimdiligin arttyrýǵa baǵyttalǵan.
