قازاقستاندا ازاماتتارعا ارنالعان تاعى بٸر ماڭىزدى تسيفرلىق سەرۆيس – ەلەكتروندى جەكە مەديتسينالىق كٸتاپشا ٸسكە قوسىلدى. ەندٸ ول eGov Mobile جەنە Halyk موبيلدٸ قوسىمشالارىندا قولجەتٸمدٸ, دەپ حابارلايدى ult.kz.
ەندٸ دەكرەتتەلگەن ماماندىق يەلەرٸ قاعاز تٷرٸندەگٸ مەديتسينالىق كٸتاپشانى ٶزٸمەن بٸرگە الىپ جٷرۋگە مٸندەتتٸ ەمەس. قاجەت بولعان جاعدايدا قۇجاتتىڭ ەلەكتروندى نۇسقاسىن تەلەفوننان كٶرسەتۋ جەتكٸلٸكتٸ.
سونىمەن قاتار, جاڭا جٷيە سانيتارييالىق-ەپيدەميولوگييالىق قىزمەتكە مٸندەتتٸ مەديتسينالىق تەكسەرۋلەردەن ٶتۋ پروتسەسٸن قاشىقتان باقىلاۋعا مٷمكٸندٸك بەرەدٸ. ەگەر قىزمەتكەردٸڭ مەديتسينالىق تەكسەرۋٸ مەرزٸمٸنەن ٶتٸپ كەتسە, ونى جۇمىستان ۋاقىتشا شەتتەتۋ بويىنشا جەدەل شارالار قابىلدانادى.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, قازاقستاندا العاش رەت سانيتارييالىق-ەپيدەميولوگييالىق قىزمەتتٸڭ بٸرىڭعاي تسيفرلىق ەكوجٷيەسٸ قۇرىلدى. ول:
- مەملەكەتتٸك سانيتارييالىق-ەپيدەميولوگييالىق باقىلاۋدى;
- دەكرەتتەلگەن ماماندىق يەلەرٸنٸڭ مەديتسينالىق تەكسەرۋلەرٸن;
- زەرتحانالىق زەرتتەۋلەردٸ;
- كەسٸپورىندارداعى ٶندٸرٸستٸك باقىلاۋدى;
- حالىقتىڭ ۆاكتسيناتسيياسىن مونيتورينگتەۋدٸ بٸرٸكتٸرەدٸ.
جاڭا تسيفرلىق شەشٸم قۇجات اينالىمىن جەڭٸلدەتٸپ, سانيتارييالىق باقىلاۋدىڭ تيٸمدٸلٸگٸن ارتتىرۋعا باعىتتالعان.
