Qazaqstanda otandyq bolatty paidalana otyryp, jeńil avtomobilder úshin shtamptaý óndirisiniń tolyq tsiklin igerý josparlanýda, dep habarlaidy ult.kz.
Bul týraly Úkimet otyrysynda «Allur» direktorlar keńesiniń tóraǵasy Andrei Lavrentev málimdedi.
«Avtomobil ónerkásibi úshin mańyzdy qadam qazaqstandyq bolatty paidalana otyryp, jeńil avtomobilder úshin shtamptaý óndirisiniń tolyq tsiklin igerý bolady. Biz "Qarmet — Allur — Kia Kazakhstan" jáne basqa óndirýshilermen salaaralyq jobany pysyqtap jatyrmyz, ol metallýrgiia men avtomobil jasaýdy Qarmet kompaniiasynyń bolaty paidalanylyp jatqan Saran qalasyndaǵy avtobýstar óndirisine uqsas biryńǵai óndiristik tizbekke biriktiredi», – dedi Andrei Lavrentev.
Onyń aitýynsha, 2028 jyly Qarmet jeńil avtomobil óndirýshileriniń talaptaryna sáikes keletin avtomobil paraǵyn shyǵarýdy josparlap otyr. 2029 jyly onyń negizinde shanaq bólshekterin seriialyq óndirý bastalady. Jobalyq qýattylyǵy jylyna keminde 100 myń shanaqty quraidy, al olardaǵy qazaqstandyq bolattyń úlesi keminde 75% bolady.
