Qazaqstanda otandyq avtokólik tehnikasynyń túrleri keńeitilip, jańa kólik quraldarynyń óndirisi iske qosylady. Bul týraly Úkimet otyrysynda «Astana Motors» kompaniialar tobynyń tóraǵasy Nurlan Smaǵulov málimdedi, dep habarlaidy ult.kz.
«Kásiporynnyń negizgi jobalarynyń biri – «Astana» atty óz brendimen avtobýstar shyǵarý. Bul avtobýstar Qytaidyń tehnologiialyq seriktesterimen birlesip ázirlengen, álemdik jetekshi óndirýshilerdiń komponentteri paidalanylady. Sonymen qatar avtobýstardyń dizainyn jasaýǵa qazaqstandyq injenerler tikelei qatysty. Avtobýstar Qazaqstan aýmaǵynda óndiriledi», – dedi Nurlan Smaǵulov.
Dizeldi jáne gazben júretin avtobýstardyń seriialyq óndirisi biyl qarasha aiynda bastalady. Sonymen qatar BYD kompaniiasymen birlesip elektr kólikteriniń jelisi ázirlenýde. «Astana» markaly elektr avtobýstarynyń óndirisin 2027 jyldyń naýryz aiynda bastaý josparlanyp otyr.
